පවතින අධික වර්ෂාපතනය හමුවේ ලංකා විදුලිබල මණ්ඩලයේ මාතර ග්‍රිඩ් උපපොළ ජලයෙන් යටවීමේ අවදානමක් උද්ගතව ඇති බව වාර්තා වේ.
ඒ අනුව ගංවතුර මට්ටම තවදුරටත් ඉහළ ගියහොත් අවශ්‍ය ආරක්ෂක පියවර ගන්නා ලෙසයි විදුලිබල හා බලශක්ති අමාත්‍ය කංචන විජේසේකර මහතා උපදෙස් ලබාදී ඇත්තේ.
අවශ්‍ය වුවහොත් ආරක්ෂිත පියවරක් ලෙස මාතර ග්‍රිඩ් උපපොළ වසා දැමීමටත් එයින් විදුලිය විසන්ධි වන ප්‍රදේශවලට දෙනියාය සහ බෙලිඅත්ත ග්‍රිඩ් උපපොළවල් හරහා විදුලිය සම්බන්ධ කිරීමටත් ලංකා විදුලිබල මණ්ඩලය සැලසුම් කර තිබේ.
RN
