කොළඹ LNW:රාජ්ය බුද්ධි සේවයේ හිටපු අධ්යක්ෂ නිලන්ත ජයවර්ධන මහතාට එරෙහිව ගොනු කෙරුණු පෙත්සමක් නොවැම්බර් මස 13 වනදා කැඳවන ලෙස අභියාචනාධිකරණය අද (09) නියෝග කළේය.
සමාජ හා සාමයික කේන්ද්රය විසින් ගොනුකළ මෙම පෙත්සම අද සෝභිත රාජකරුණා සහ මහේන් ගොපල්ලව යන අභියාචනාධිකරණ විනිසුරු මඩුල්ලක් හමුවේ කැඳවනු ලැබීය.
පාස්කු ඉරුදින එල්ල කළ ත්රස්ත ප්රහාරය පිළිබඳව බුද්ධි තොරතුරු ලැබී තිබියදීත් එය වළක්වා ගැනීමට කටයුතු නොකිරීම සම්බන්ධයෙන් මෙම පෙත්සම ගොනු කර තිබෙනවා.
එහිදී ජනාධිපති නීතිඥ චන්දක ජයසුන්දර අධිකරණය හමුවේ කරුණු දක්වමින් ශ්රේෂ්ඨාධිකරණය විසින් කරනු ලැබූ නියෝගයට අනුව පොලිස් කොමිසම විසින් තම සේවාදායකයාට එරෙහිව නව විමර්ශනයක් ආරම්භ කර ඇති බැවින් මෙම පෙත්සම තවදුරටත් පවත්වාගෙන යාමට අවශ්ය නොවන බව කියා සිටියේය.
ඒ අනුව පෙත්සම සම්බන්ධයෙන් කරුණු තහවුරු කරනවාද එසේ නැත්නම් ඉල්ලා අස්කර ගන්නේද යන්න සලකා බැලීම සඳහා නොවැම්බර් 13 වනදා කැඳවන ලෙස අධිකරණය නියෝග කළේය.
ආශිකා බ්රාහ්මණ
