අතුරුදන් වූ තැනැත්තන්ගේ පවුල් සඳහා ගෙවීමට යෝජනා කර ඇති මුදල වැඩිකිරීමට කැබිනට් අනුමැතිය හිමිව තිබේ.
අතුරුදන් වූ තැනැත්තන්ගේ පවුල් සඳහා රෙජිස්ට්‍රාර් ජනරාල්වරයා විසින් නිකුත් කරන, දක්නට නොලැබීමේ සහතිකය පදනම් කරගනිමින් අතුරුදන් වූ තැනැත්තාගේ ළඟම ඥාතියාට රුපියල් 100,000 ක මුදල් ගෙවීමට 2022.03.14 පැවති කැබිනට් මණ්ඩල රැස්වීමේදී අනුමැතිය ලබාදී තිබිණි.
එසේවෙතත් දක්නට නොලැබීමේ සහතිකය ලබාගැනීම සඳහා දීර්ඝ කාලයක් ගතවීමත්, ගෙවනු ලබන රුපියල් 100,000 ක මුදල ප්‍රමාණවත් නොවීමත් යන කරුණු සලකා බලා,
අදාළ පුද්ගලයා අතුරුදන්ව ඇති බවට හානිපූර්ණ කාර්යාලය තහවුරු කරගෙන ඇත්නම් දක්නට නොලැබීමේ සහතිකය ලබාගැනීමේ අවශ්‍යතාව ඉවත් කිරීමටත්
ගෙවනු ලබන මුදල රුපියල් 200,000 දක්වා වැඩිකිරීමටත්
කැබිනට් මණ්ඩලය අනුමැතිය ලබාදී ඇත.
RN
