රෂිකා හෙන්නායක ඔක්තෝබර් 14, කොළඹ LNW :
ශ්‍රී ලංකන් ගුවන් සේවයේ නම භාවිතා කරමින් WhatsApp හරහා මූල්‍ය වංචාවක් සිදු කිරීම සම්බන්ධයෙන් සැකකරුවෙකු අත්අඩංගුවට ගෙන තිබේ.
ලැබුණු පැමිණිල්ලක් මත අපරාධ පරීක්ෂණ දෙපාර්තමේන්තුව (CID) විසින් සිදු කරන ලද විමර්ශනයකින් අනතුරුව මෙම අත්අඩංගුවට ගැනීම සිදු කෙරිණි.
සැකකරු සතුව තිබී මූල්‍ය වංචාව සඳහා යොදාගත් යෙදුම් (applications) 5ක්, බැංකු ගිණුම් 40ක් සහ ATM කාඩ්පත් 15ක් නිලධාරීන් විසින් සොයා ගන්නා ලදී.
29 හැවිරිදි මෙම සැකකරු කොම්පඤ්ඤවීදිය ප්‍රදේශයේ පදිංචිකරුවෙකි.
මෙම වංචාකාරී ජාවාරම විදේශීය රටක සිට ක්‍රියාත්මක කර ඇති බව විමර්ශනවලදී අනාවරණය වී තිබේ.
