කොළඹ LNW: බදු ගෙවීම පැහැර හැරීමේ චෝදනාව මත මාස හයක සිර දඬුවමක් නියමව සිටින ඩබ්ලිව් එම් මෙන්ඩිස් සමාගමේ අධ්‍යක්ෂ අර්ජුන් ඇලෝසියස් ඇතුළු දෙදෙනා ඇප මත මුදාහරින ලෙස කර තිබෙන ඉල්ලීම කොළඹ මහේස්ත්‍රාත් අධිකරණය ප්‍රතික්ෂේප කර තිබේ.
වගඋත්තරකරුවන් වෙනුවෙන් පෙනී සිටි ජනාධිපති නීතිඥ රසික්සරුක් මහතා අධිකරණය හමුවේ කරුණු දක්වමින් පැවසුවේ මෙම නඩුකරය මේ වන විට අපරාධමය නඩුකරයක් බවට පත්ව ඇති හෙයින් ඔවුන් ඇප මත මුදාහරින ලෙසයි.
කෙසේවෙතත් අධිකරණයේ තීන්දුව ප්‍රකාශයට පත්කරමින් අතිරේක මහේස්ත්‍රාත් බණ්ඩාර ඉලංගසිංහ මහතා පැවසුවේ දේශීය ආදායම් දෙපාර්තමේන්තුව විසින් සහතිකයක් මත ඉදිරිපත් කළ නඩුවක් වන අතර මෙම වගඋත්තරකරුවන්ට නියම කර තිබෙන්නේ විකල්ප දඬුවමක් වන හෙයින් එය අපරාධ නඩුකරයක් බවට පත් නොවන නිසා ඇප ඉල්ලීම ප්‍රතික්ෂේප කරන බවයි.
ඒ අනුව මෙන්ඩිස් සමාගම රජයට අයවිය යුතු රු. බිලියන 3.5ක වැට් බදු ගෙවීම පැහැර හැර තිබේ.
ආශිකා බ්‍රාහ්මණ
