මීළඟ ජනතා නැගිටීම සිදුවිය යුත්තේ ජනතා විමුක්ති පෙරමුණ ප්‍රමුඛ ජාතික ජන බලවේගයේ නායකත්වයෙන් පමණක් බවත් එසේ නොවුණහොත් එයින් ඵලක් නොමැති බවත් ජවිපෙ නායක අනුර කුමාර දිසානායක මහතා සිය පක්ෂයට තරයේ අවධාරණය කරයි.
ඒ අනුව එම නැගිටීම නායකත්වය දීම සඳහා සූදානම් වන ලෙසයි ඒ මහතා සිය පක්ෂයට දැනුම් දී සිටින්නේ.
“මේ ජනතා පීඩනයට එරෙහිව ජනතාව නැගිටිනවා. දැන් මොකක්ද කරන්න ඕනෙ ? අන්න අපෙ ගම් ඇතුළේ ඒ නැගිටීම ආණ්ඩුව අපේක්ෂා කරනවා ප්‍රචණ්ඩත්වයකට තල්ලු කරගන්න. ආණ්ඩුවට හොඳයි ඒක. ගහලා, කඳුළු ගෑස් ගහලා මර්දනය කරන එක ආණ්ඩුවට හොඳයි. ඒ නිසා එවැනි නැගිටීමක් හුදෙකලා ලෙස තැන තැන ඉබාගාතේ නැගිටලා වැඩක් නෑ. තැන තැන අසංවිධානාත්මකව සිදුවන සෑම නැගිටීමක්ම පාලකයාට වාසි හදනවා. පාලකයා ඒක මර්දනය කරනවා. ඒක බිය කරනවා. එනිසා සිදුවිය යුත්තේ කුමක්ද ? අපි ඉතා හොඳින් සංවිධානාත්මකව මේ පීඩනයට එරෙහිව නැගිටින ජන කණ්ඩායම්වලට නායකත්වය ලබාදිය යුතුයි. එහෙනම් මොකක්ද කරන්න ඕනෙ ? අන්න අපේ ගමේ කොට්ඨාස සභාව ඒ සඳහා ජනතාව සූදානම් කරන්න ඕනෙ. මේක වැඩක්”
අනුර කුමාර දිසානායක මහතා මේ බව පැවසුවේ ජාතික ජන බලවේගයේ කැස්බෑව සමුළුව අමතමිනි.
(පහත වීඩියෝවේ පැය 02.40.00 සිට මෙම ප්‍රකාශය නැරඹිය හැකිය)
RN
