සටහන – රුවන් නෙළුගොල්ල
2024 මහමැතිවරණය සඳහා වන්නි දිස්ත්රික්කය වෙනුවෙන් ප්රජාතන්ත්රවාදී ජාතික සන්ධානය විසින් ඉදිරිපත් කළ නාමයෝජනා පත්රය ප්රතික්ෂේප කිරීමට දිස්ත්රික් තේරීම් භාර නිලධාරියා ගනු ලැබූ තීරණය බලරහිත කිරීමේ තීන්දුවක් ලබාදෙන ලෙස ඉල්ලා ශ්රේෂ්ඨාධිකරණයට පෙත්සමක් ඉදිරිපත් කර තිබේ.
ඒ, එම පක්ෂයේ අදාළ පක්ෂයේ බලය ලත් නිලධාරී පරරාජසිංහම් උදයරාසා සහ තවත් අපේක්ෂකයින් දෙදෙනෙකු විසිනි.
මෙම පෙත්සම විභාග කොට අවසන් තීන්දුවක් ප්රකාශයට පත්කරන තුරු වන්නි දිස්ත්රික්කය සඳහා ලබන නොවැම්බර් මස 14 වනදා මහ මැතිවරණ ඡන්ද විමසීම පැවැත්වීම අත්හිටුවීමේ අතුරු තහනම් නියෝගයක් නිකුත් කරන ලෙසත් එම පෙත්සමෙන් ඉල්ලා ඇත.
මැතිවරණ කොමිසමේ සභාපති ඇතුළු එහි සාමාජිකයින්, වන්නි දිස්ත්රික් තේරීම් භාර නිලධාරියා ඇතුළු පිරිසක් මෙම පෙත්සමෙහි වග උත්තරකරුවන් වශයෙන් නම් කර ඇත.
