රෂිකා හෙන්නායක ඔක්තෝබර් 20, කොළඹ LNW :
ලෝකවාසී හින්දු බැතිමතුන් මහත් උත්සවශ්රීයෙන් සහ භක්තියෙන් සමරන දීපවාලි දිනය අද (20) ට යෙදී තිබේ.
‘පොහොසත් රටක් – ලස්සන ජීවිතයක්’ කෙරෙහි ජනතාව තැබූ අපේක්ෂාව ඉටු කිරීමට අප එක්ව යන මාවත දීපවාලි දිනයේ නිවෙස්වල දැල්වෙන පහන් සිළෙන් තව තවත් එකලු වේවායි ජනාධිපති අනුර කුමාර දිසානායක මහතා සිය දීපවාලි දින පණිවිඩයෙන් කියා තිබේ.
ජනාධිපතිවරයා සිය පණිවිඩයේ වැඩිදුරටත් සඳහන් වන්නේ,
ලොව පුරා හින්දු බැතිමතුන් මහත් භක්තියෙන් සමරන දීපවාලි උත්සවය අදට (20) යෙදී තිබෙනවා.
විෂ්ණු දෙවියන් නරගාසුරන් නමැති අසුරයා පරාජය කිරීම සිහිපත් කරමින්, අධර්මය පරදා ධර්මය ජය ගත් අයුරින් සියල්ලන්ගේ සිත්සතන්හි අඳුර දුරලා ආලෝකය පැතිරේවායි යන ප්රාර්ථනය පෙරදැරිව ඔවුහු ආගමික වතාවත්හි නිරත වෙනවා.
සියලු දෙනාගේ නිදහස සහ ගෞරවය සුරකින සුරක්ෂිත රටක් ගොඩනැගීමට තමන් කැප වී ක්රියා කරන බව ජනාධිපති අනුර කුමාර දිසානායක මහතා දීපවාලි උත්සවය වෙනුවෙන් නිකුත් කළ නිවේදනයේ සඳහන් වේ.
දීපවාලිය සැබැවින්ම ආලෝක පූජාවක්. දීපවාලි දිනයේදී සෑම නිවසක්ම හෙළි කරමින් දැල් වෙන පහන් සිළෙන් මෙරට ජනතාව ‘පොහොසත් රටක් – ලස්සන ජීවිතයක් ’ කෙරෙහි තැබූ අපේක්ෂා ඉටු කිරීමට අප එක්ව යන මාවත තව තවත් එකලු වේවායි ප්රාර්ථනා කරමින් ශ්රී ලාංකේය සහ ලෝවැසි සියලු හින්දු බැතිමතුන්ට ස්වකීය සිත්සතන් ප්රභාවත් කෙරෙන සුබ දීපවාලි සැමරුමක් වේවායි සුබපැතුම් එක් කරමි යනුවෙන් ජනාධිපතිවරයා සිය දීපවාලි දින පණිවිඩයෙන් කියා සිටී.
