රෂිකා හෙන්නායක ඔක්තෝබර් 20, කොළඹ LNW :
මොරටුව සොයිසාපුර ප්‍රදේශයේදී හෝටල් හිමිකරුවෙකු ඉලක්ක කර අද රාත්‍රී 8.20ට පමණ වෙඩි තැබීමක් සිදුව තිබේ.
මෝටර් රථයකින් පැමිණි පුද්ගලයන් දෙදෙනෙකු විසින් මෙම අපරාධය සිදුකර ඇති අතර, පසුව ඔවුන් අදාළ වාහනය වෙනත් ස්ථානයක අත්හැර පලා ගොස් ඇත.
බරපතළ තුවාල ලැබූ හෝටල් හිමිකරු කළුබෝවිල ශික්ෂණ රෝහලට ඇතුළත් කිරීමෙන් අනතුරුව ජීවිතක්ෂයට පත්ව ඇත.
මෙම සිද්ධිය සම්බන්ධයෙන් පොලිසිය විසින් වැඩිදුර පරීක්ෂණ පවත්වමින් සිටියි.
