උද්ධමනය අඩු වෙලා!

රෂිකා හෙන්නායක ඔක්තෝබර් 21,කොළඹ (LNW):

2024 සැප්තැම්බර් මාසය සඳහා, ජනලේඛන සහ සංඛ්‍යාලේඛන දෙපාර්තමේන්තුව ශ්‍රී ලංකාවේ ජාතික පාරිභෝගික මිල දර්ශකය (ජා.පා.මි.ද.) සහ මාසික පාරිභෝගික උද්ධමනය අද (21) දින ප්‍රකාශයට පත් කර ඇත.

ඒ අනුව 2024 අගෝස්තු මාසයේ දී 1.1% ක් ලෙස වාර්තා වූ මෙරට උද්ධමනය 2024 සැප්තැම්බර් මාසය සඳහා -0.2% ක් දක්වා අඩු වී ඇති බවයි වාර්තා වී තිබුණි.

2024 අගෝස්තු මාසයේ දී 2.3% ක් ලෙස වාර්තා වූ ආහාර කාණ්ඩයේ ලක්‍ෂ්‍යමය උද්ධමනය 2024 සැප්තැම්බර් මාසයේ දී 0.5% ක් දක්වා අඩු වී ඇති බව වාර්තා වේ.

තවද, 2024 අගෝස්තු මාසයේ දී 0.2% ක් වූ ආහාර නොවන කාණ්ඩයේ ලක්‍ෂ්‍යමය උද්ධමනය 2024 සැප්තැම්බර් මාසයේ දී -0.7% ක් දක්වා අඩු වී ඇති බව වාර්තා වී ඇත.

මේ පිලිබඳ වැඩිදුර විස්තර දැන ගැනීම සඳහා මේ සමග අමුණා ඇති මාධ්‍ය නිවේදන සහ දළ විශ්ලේෂණ වාර්තා තුළින් අවබෝධ කර ගත හැක.