කොළඹ LNW:චීනය BRICS සහයෝගිතාවය තවදුරටත් ශක්තිමත් කිරීමට අපේක්ෂා කරන බව චීන විදේශ අමාත්‍යංශ ප්‍රකාශක Lin Jian මහතා අද(21) පැවති නිත්‍ය මාධ්‍ය හමුවේ දී හෙට(22) දින ආරම්භ වීමට නියමිත BRICS නායකයින්ගේ 16 වන සමුළුව සම්බන්ධයෙන් අදහස් දක්වමින් ප්‍රකාශ කළේය.
මෙවර සමුළුව BRICS සාමාජික රටවල් පුළුල් කිරීමෙන් පසු පැවැත්වෙන ප්‍රථම සමුළුවයි. BRICS සංවිධානය ස්ථාපිත කිරීමෙන් පසු බහුපාර්ශ්වවාදය ආරක්ෂා කර ජාත්‍යන්තර කටයුතු වෙනුවෙන් සක්‍රීය, ස්ථාවර හා හිතකර දායකත්වයක් ලබා දී ඇති බවයි ඔහු සඳහන් කළේ.
විවිධ පාර්ශ්වයන් සමග එක්ව, BRICS සහයෝගීතාවය තවදුරටත් ඉහළ මට්ටමකට රැගෙන ගෝලීය දකුණේ රටවල ස්වශක්තිය හා එක්සත්භාවය තහවුරු කිරීමට චීනය අපේක්ෂා කරයි. එමගින් ලෝක සාමය හා සංවර්ධනය සහතික කිරීමට ද චීනය සූදානම් බවයි චීන විදේශ අමාත්‍යංශ ප්‍රකාශකයා වැඩිදුරටත් ප්‍රකාශ කළේ.
දිනූෂි ධීරසිංහ
