නොරොච්චෝලේ තාප බලාගාරය සඳහා අවශ්‍ය ගල් අඟුරු නෞකාවක් ලබන අඟහරුවාදා (25) දිවයිනට පැමිණීමට නියමිත බව ලංකා ගල් අඟුරු සමාගම පවසයි.
ගල් අඟුරු ආනයනය සඳහා මීට පෙර ගිවිසුම්ගතව සිටි සමාගමෙන්ම මෙම ගල් අඟුරු තොගය ලබාගැනීමට පියවර ගත් බවයි එම සමාගමේ සාමාන්‍යාධිකාරී නාමල් හේවගේ මහතා සඳහන් කළේ.
ඒ අනුව, නොරොච්චෝලේ තාප බලාගාරයේ කටයුතු ගල් අඟුරු හිඟයකින් තොරව අඛණ්ඩව පවත්වාගෙන යාමට හැකි බවත් ඒ මහතා සඳහන් කළේය.
නොරොච්චෝලේ තාප බලාගාරය සතුව දැනට පවතින ගල් අඟුරු තොගය මේ මාසය අග වනවිට අවසන් වීමට නියමිත ය.
RN
