කොළඹ LNW:විදේශීය සංචාරකයින්ගේ ආරක්ෂාව තහවුරු කිරීම සම්බන්ධයෙන් පොලිස් මූලස්ථානය විසින් නිවේදනයක් නිකුත් කර තිබේ.
එළඹෙන සංචාරක වාරයේදී මෙරටට විශාල සංචාරකයින් පිරිසක් පැමිණීමට බලාපොරොත්තුවෙන් පසුවන අතර මේ වන විට මැදපෙරදිග සහ නැගෙනහිර යුරෝපයේ පවතින යුධමය තත්ත්වයන් සලකා විදේශීය සංචාරකයින්ගේ ආරක්ෂාව තහවුරු කිරීම සඳහා ආරක්ෂක අමාත්‍යාංශයේ සහ මහජන ආරක්ෂක අමාත්‍යාංශයේ සම්බන්ධීකරණයෙන් විශේෂ වැඩපිළිවෙලක් යෙදීමට නියමිත බවයි පොලිස් මූලස්ථානය පවසන්නේ.
මේ සම්බන්ධයෙන් විශේෂ උපදෙස් මාලාවක් සියලුම පොලිස් ස්ථාන වෙත වැඩබලන පොලිස්පතිවරයා විසින් නිකුත් කිරීමට නියමිතයි.
එහි මූලික පියවරක් ලෙස ඕනෑම සංචාරකයෙකුට ආරක්ෂාව පිළිබඳ ඇතිවන ගැටලුවකදී 1997 දුරකථන අංකය වෙත දැනුම් දීමේ අවස්ථාව අද සිට සලසා තිබේ.
ආශිකා බ්‍රාහ්මණ
