කොළඹ LNW: සංවිධානාත්මක අපරාධවලට සහ මත් ද්රව්ය ජාවාරමට සම්බන්ධ පුද්ගලයින් පසුපස හඹා යමින් අත්අඩංගුවට ගැනීම් සිදුකරන අතර මෙම ක්රියාවලිය හමුවේ නාමල් රාජපක්ෂ බිය විය යුතු නැතැයි කම්කරු නියෝජ්ය අමාත්ය මහින්ද ජයසිංහ මහතා පාර්ලිමේන්තුවේදී පැවසුවේය.
කෙසේවෙතත් බැකෝ සමන්ගේ දුරකථනයේ නාමල් සර් කෙනෙක් ඇමතුම් ගෙන තිබෙන අතර ඒ නාමල් මේ නාමල් ද නැත්නම් වන නාමල් කෙනෙක්ද යන්න නොදන්නා බවයි නියෝජ්ය අමාත්යවරයා සඳහන් කළේ.
”අපි මත්ද්රව්ය ජාවාරම්කරුවෝ, බෙදාහරින්නෝ පසුපස යමින් තමයි මේ අත්අඩංගුවට ගැනීම් කරන්නේ. නාමල් මොකටද බයවෙන්නේ. නාමල් බයවෙන්න කාරණයක් නැහැ. හේතුව මේ සංවිධානාත්මක අපරාධයන්ට සම්බන්ධයක් නැත්නම්. හැබැයි අපි දන්නේ නැහැ අන්න තියෙනවා සමහර කොල්වල. කාගේද දන්නේ නැහැ නාමල් සර්, මගේ සර් රාජපක්ෂ ඉතින් අර කෝල්වල තියෙනවා. බැකෝ සමන්ගේ කෝල් වල තියෙනවා. ඉතින් අපි දන්නේ නැහැ මේ නාමල් ද වෙන නාමල් කෙනෙක්ද? අපි දන්නේ නැහැ. මගේ සර් රාජපක්ෂ කියන්නේ මේ රාජපක්ෂ පවුලේ කෙනෙක්ද වෙන රාජපක්ෂ පවුලක කෙනෙක්ද? කියන්න අපි දන්නේ නෑ. සමහර විට කලබල වෙන එක අහන්න දෙයක් නෑ මොකද අබ කාපු අයගේ මොලේ දනවා මුළු ඇඟම දනවා” යනුවෙන් මහින්ද ජයසිංහ මහතා තවදුරටත් ප්රකාශ කරන ලදී.
ආශිකා බ්රාහ්මණ
