කොළඹ LNW: සංවිධානාත්මක අපරාධකරුවෙක් සහ මත් ද්‍රව්‍ය ජාවාරම්කරුවෙක් ලෙස සැලකෙන දැනට අත්අඩංගුවේ පසුවන බැකෝ සමන් නැමැත්තාගේ දුරකථනයේ තිබුණු නාමල් සර්,මගේ සර් රාජපක්ෂ යන අංක සම්බන්ධයෙන් නියෝජ්‍ය අමාත්‍ය මහින්ද ජයසිංහ මහතා පාර්ලිමේන්තුවේදී කළ ප්‍රකාශයට ශ්‍රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්‍රී නාමල් රාජපක්ෂ මහතා අද (24) මාධ්‍ය වෙත ප්‍රතිචාර දක්වා තිබුණි.
”එතුමාගේ පක්ෂේත් ඉන්නවා නාමල් කරුණාරත්න කෙනෙක්. ඒ නාමල් ද දන්නෙත් නෑ. එක පැත්තකින් මම සතුටු වෙනවා. මොකද නාමල් නම දැක්ක ගමන් මාව මතක් වෙන එකට. කැබිනට් එකේ ඉන්න නාමල්වත් අමතක වෙලා විපක්ෂයේ ඉන්න නාමල් මතක් වෙනවා කියන එකත් ලොකු දෙයක්. මගේ පණ, මගේ ආදරේ කියල ඉතින් සාමාන්‍යයෙන් ගැහැණු ළමයි පිරිමි ළමයි අපේ භාෂාවෙන් කියන්නේ මල් කඩන කාලේ, පෙම් බඳින කාලේ තමයි එහෙම සේව් කරලා තියෙන්නේ. එහෙම නම්බරයක් එයා දැක්කද දන්නෙත් නෑ.” යනුවෙන් නාමල් රාජපක්ෂ මහතා ප්‍රකාශ කළේය.
ආශිකා බ්‍රාහ්මණ
