ඉදිරියේදී ගතයුතු දේශපාලන තීන්දුව සම්බන්ධයෙන් මිනුවන්ගොඩ දේශපාලන බල මණ්ඩල රැස්වීමේදී විමසූ රහස් ඡන්දයෙහි ප්රතිඵලය තමන් වෙත ලැබී ඇති අතර එහි සාමාජිකයින් බහුතරයකගේ මතය වී ඇත්තේ මේ මොහොතේ වත්මන් ජනාධිපතිවරයා සමග එක්ව වැඩ කළ යුතුය යන්න බව ආණ්ඩු පක්ෂයේ ප්රධාන සංවිධායක, අමාත්ය ප්රසන්න රණතුංග මහතා පවසයි.
ඒ අනුව, මේ මොහොතේ ජනාධිපති රනිල් වික්රමසිංහ මහතාට සහාය පළ කිරීම යනු “අලියාගේ පිටේ නැගීමක්” නොවන බවත් එසේම එය ශ්රී ලංකා පොදුජන පෙරමුණ අතැර යාමක් ද නොවන බවත් ඒ මහතා අවධාරණය කළේය.
එමෙන්ම ජනාධිපතිවරයාගේ කකුලෙන් නොඇද ඒ මහතා ගෙනයන වැඩපිළිවෙලට සහාය පළ කිරීම යනු පොහොට්ටුවේ ජනමතය ආරක්ෂා කිරීම සඳහා මේ මොහොතේ ගත හැකි හොඳම තීරණය බවයි ඒ මහතා සඳහන් කළේ.
විදෙස් සංචාරයකින් අනතුරුව අද (24) දිවයිනට පැමිණි ඒ මහතා මාධ්ය වෙත අදහස් දක්වමින් මේ බව ප්රකාශ කළේය.
RN
