සටහන: සශිකලා මධුෂාණි
ඔක්තෝබර් 25: ලෝකය(අවුට්බවුන්ඩ් ටුඩේ) : එක්සත් ජනපද ජනාධිපති ඩොනල්ඩ් ට්‍රම්ප් මුල්වරට ආසියාවේ රටවල් තුනක කෙටි සංචාරයක් යොදාගෙන ඇති බව වාර්තා වේ.
ඒ අනුව, ජනාධිපතිවරයා මුලින්ම මැලේසියාවට ගොඩ බැසීමට සුදානම් වන අතර එහි ක්වාලාලම්පූර්හි පැවැත්වීමට නියමිත අග්නිදිග ආසියානු ජාතීන්ගේ වාර්ෂික සංගමයේ සමුළුව සහභාවී වීම අපේක්ෂා කරයි. නමුත් මේ වසරේ එය පැමිණෙන්නේ මැලේසියාව සහ එක්සත් ජනපදය තායිලන්තය සහ කාම්බෝජය අතර ගැටුමක් විසඳීමට කටයුතු කරමින් සිටියදීය.
මැලේසියාවෙන් පසු, ට්‍රම්ප් ජපානයේ සහ දකුණු කොරියාව බලා පියාසර කිරීමට සුදානම් වන අතර එහිදී ට්‍රම්ප්ගේ සැලසුම්ගත තීරුබදු අනුපාත 25% සිට 15% දක්වා අඩු කිරීම සඳහා අවම වශයෙන් එක්සත් ජනපදයේ ඩොලර් බිලියන 900 ක ආයෝජන සඳහා සාකච්ඡාවල ප්‍රගතියක් ලබා ගැනීමට අපේක්ෂා කෙරේ.
මෙහිදී ජනාධිපති ට්‍රම්ප් ජපානයේ පළමු කාන්තා අගමැතිනිය වන සානේ ටකයිචි හා ජපාන අධිරාජ්‍යයා වන නරුහිතෝ විසින් සත්කාරකත්වය දරනු ඇති බවත්, ජපානයේ ස්ථානගත කර ඇති ඇමරිකානු හමුදා භටයින් හමුවනු ඇති බවත් වාර්තා වේ.
ඉන් අනතුරුව දකුණු කොරියාව බලා පියාසර කිරීමට අපේක්ෂිත ජනාධිපති ට්‍රම්ප් එහිදී, ග්යොංජු හි පවත්විමට නියමිත ආසියා පැසිෆික් ආර්ථික සහයෝගිතා සමුළුවට(APEC ) සමගාමීව චීන ජනාධිපති ෂී සමඟ බුසාන්හිදී ඉතා විශේෂිත හමුවක් පවත්වනු ඇතැයි අපේක්ෂා කෙරේ.
චීනය සහ එක්සත් ජනපදය අතර වෙළඳ යුද්ධයක මාස ගණනාවක් තිස්සේ පැවති අස්ථාවර පියවරයන්ගෙන් පසුව මෙම රැස්වීම ගෝලීය ආර්ථිකය කැළඹීමට හේතු විය හැකිවන බවයි ජාත්‍යන්තර විචාරකයන් සඳහන් කරන්නේ,
එක්සත් ජනපදයේ රජය මේ වන විට තාවකාලිකව ඇනහිට ඇති අතර බොහෝ ෆෙඩරල් සේවකයින්ට මෙම සතියේ ඔවුන්ගේ පළමු සම්පූර්ණ වැටුප අහිමි වීමට නියමිතය. රට තුළ ගුවන් ගමන් තාවකාලිකව අඩපණ වෙමින් පවතින අතර ෆෙඩරල් ආහාර ආධාර වියළී යා හැකි බවට ප්‍රාන්තවලට මුහුණ දී තිබේ. කෙසේ නමුත් ජනාධිපති ට්‍රම්ප් ඔහුගේ විදේශ ගමන් ඇතුළුව සුපුරුදු පරිදි ව්‍යාපාර කරගෙන යන බව පෙනේ.