සටහන: සශිකලා මධුෂාණී
ලෝකය(අවුට්බවුන්ඩ් ටුඩේ) ඔක්තෝම්බර් මස 26: 2023 ඔක්තෝබර් 7 වැනිදා හමාස් සංවිධානය විසින් එල්ල කළ ප්‍රහාරය වැළැක්වීමට අසමත් වීම සම්බන්ධයෙන් දේශපාලන වගකීම භාරගන්නා ලෙස ඊශ්‍රායල අගමැති බෙන්ජමින් නෙතන්යාහුට එරට විපක්ෂයෙන් සහ ප්‍රහාරයෙන් පීඩාවට පත් පවුල්වලින් දැඩි ඉල්ලීම් එල්ල වෙමින් පවතී.
2026 ඔක්තෝබර් 27 වැනිදා පැවැත්වීමට නියමිත මහ මැතිවරණය, එම ප්‍රහාරයෙන් පසු රටේ නායකත්වය පිළිබඳව ඡන්දදායකයන් තීරණය කරන පළමු අවස්ථාව වේ.
2023 ඔක්තෝබර් 7 ප්‍රහාරයෙන් පුද්ගලයන් 1,200ක් පමණ මියගිය අතර, තවත් 251 දෙනකු ප්‍රාණ ඇපකරුවන් ලෙස ගාසා තීරයට රැගෙන යනු ලැබීය. එම සිදුවීම ඊශ්‍රායලයේ මෑත ඉතිහාසයේ දරුණුතම ආරක්ෂක අසාර්ථකත්වයක් ලෙස සැලකේ.
ප්‍රහාරය සම්බන්ධයෙන් ස්වාධීන පරීක්ෂණයක් පවත්වන ලෙසත්, එදින සිදුවූ ආරක්ෂක අසාර්ථකත්වයන් පිළිබඳ වගකීම තීරණය කරන ලෙසත් නෙතන්යාහුගේ විවේචකයෝ ඉල්ලා සිටිති. කෙසේ වෙතත්, නෙතන්යාහු තමන්ට වගකීම පැවරීම ප්‍රතික්ෂේප කර ඇති අතර, හමාස් සංවිධානයට සහ එහි සහචරයන්ට එරෙහිව ගෙන ගිය හමුදා ක්‍රියාමාර්ග මගින් ඊශ්‍රායලයේ ආරක්ෂාව ශක්තිමත් කළ බව ඔහු පවසයි.
කෙසේ නමුත්, ප්‍රහාරයෙන් දිවි ගලවාගත් පුද්ගලයන් සහ ප්‍රාණ ඇපකරුවන්ගේ පවුල්වල සාමාජිකයන් ද මැතිවරණයේදී වගවීම සහ සත්‍යය වෙනුවෙන් පෙනී සිටින ලෙස ජනතාවගෙන් ඉල්ලා ඇති අතර මැතිවරණයට පෙර පැවති ජනමත විමසුම්වලින් නෙතන්යාහුගේ ලිකුඩ් පක්ෂය ප්‍රමුඛ සන්ධානයට දැඩි තරගයක් එල්ල වී ඇති බව පෙනී යයි.
