නිශ්මං රණසිංහ ඔක්තෝබර් 27, කොළඹ LNW:
II Venezuela International 2025 ජාත්‍යන්තර බැඩිමින්ටන් තරගාවලියේ සූරතාවය දිනා ගන්නට දුමිදු අබේවික්‍රම සමත් වුණා.මෑත කාලය පුරා ඇමෙරිකානු මහද්වීප දෙක තුළ ක්‍රියාත්මක තරගාවලිවලට සහභාගි වෙමින් කැපී පෙණෙන ජයග්‍රහණ වාර්තා කරමින් කැපී පෙනෙන දුමිදු,ජයග්‍රහණ ගණනාවක හිමිකරු වූ අතර අනු සූරතා සහ සූරතා ද ඒ අතර වෙනවා.
මෙම ජයග්‍රහණය සඳහා ඔහු අවසාන තරගයේදී පැයක පමණ කාලයක් වෙහෙස වූ අතර ඔහු අතින් පරාජයට පත් වූයේ ලෝකයේ wංක 153 ට සිටින ස්විට්ස්ර්ලන්තයේ ටොබියාස් කුවෙන්සි යි.තරගය වට 2-1 ක් ලෙස පැයක කාලයක් ඇදුණ වෙහෙසකර එකක් වූ අතර දුමිදු පළමු වටය 10 – 21 ත් ලෙස පරාජයට පත් වුණත් දෙවන වටය සහ තෙවන වටය පිළිවෙලින් 21 – 18 සහ 21 -12 ක් ලෙස ජය ගැනීමට සමත් වුණා.
ටොබියාස් ට වයස අවුරුදු 27 ක් වන අතර දුමිදුට තවමත් වයස අවුරුදු 22 යි.
