සටහන: සශිකලා මධුෂාණි
ඔක්තෝබර් 31; ලෝකය(අවුට්බවුන්ඩ් ටුඩේ) : ක්රි.ව. 1 වැනි සියවස දක්වා දිවෙන පුරාණ රෝම විහාර සංකීර්ණයක් ඇති ලෙබනනයේ ඓතිහාසික බාල්බෙක් නගරයට ඊශ්රායලය විසින් දියත් කරන ලද දැවැන්ත ප්රහාර හේතුවෙන් කාන්තාවන් අට දෙනෙකු ඇතුළු පුද්ගලයින් 19 දෙනෙකු මිය ගොස් ඇති බව එරට සෞඛ්ය අමාත්යාංශය නිවේදනය කර තිබේ.
ඊයේ(30)දිනයේදී ඊශ්රායල හමුදාව විසින් නිකුත් කරන ලද ඉවත් කිරීමේ නියෝගවලට ප්රතිචාර වශයෙන් දස දහස් ගනනක් පදිංචිකරුවන් පලා යාමෙන් අනතුරුව මෙම ප්රහාර දියත් කර තිබු අතර මේ සමබන්ධයෙන් ඊශ්රායල් හමුදාව සඳහන් කර තිබුණේ, දකුණු ලෙබනනයේ බාල්බෙක් සහ නබටියේහි හිස්බුල්ලා අණ සහ පාලන මධ්යස්ථාන සහ යටිතල පහසුකම්වලට පහර දුන් බවයි.
බාලෙබෙක් යනු සිරියාවේ මායිම අසල බෙකා නිම්නයේ ප්රධාන ජනගහන මධ්යස්ථානයකි. එය බොහෝ දුරට ග්රාමීය ප්රදේශයක් වන අතර ලෙබනනයේ දුප්පත්ම ප්රදේශවලින් එකකි. ලෙබනනයේ බලධාරීන්ට අනුව ඊශ්රායලය එල්ල කරන ප්රහාර හේතුවෙන් පසුගිය සති පහ තුළ පමණක් 2,800 කට වැඩි පිරිසක් ලෙබනනයේ මිය ගොස් ඇති අතර තවත් මිලියන 1.2 ක් අවතැන් වී ඇත.
