රෂිකා හෙන්නායක නොවැම්බර් 01, කොළඹ (LNW):
ශ්‍රේෂ්ඨාධිකරණය විසින් නීතීඥවරයෙකුගේ නීතීඥ භාවය වසර 5කට අත්හිටුවීමට නියම කළ බව සඳහන් වේ. ඒ කොළඹ මහාධිකරණය හමුවේ පැවති නඩුවක විත්තිකරුවෙකු වෙනුවෙන් පෙනී නොසිටීමේ චෝදනාවටයි.
ශ්‍රේෂ්ඨාධිකරණය මෙම නියෝගය නිකුත් කළේ, කොළඹ මහාධිකරණ විනිසුරු ආදිත්‍ය පටබැදිගේ මහතා කළ පැමිණිල්ලකට අනුව පැවති විභාගයකින් අනතුරුවයි. අදාළ වගඋත්තරකරුවෙනුවෙන් පෙනී සිටීමට මෙම නීතීඥවරයා රජයෙන් පත් කොට තිබුණි.
එහෙත් ඔහු විත්තිකරු වෙනුවෙන් දින තුනක් නොකඩවා අධිකරණය වෙනුවෙන් පෙනී සිට නැති අතර, වගඋත්තරකරු වරදපිළිගන්නා බව අධිකරණයට දැනුම් දුන් බව පැවසේ.
කෙසේ වෙතත් ඔහු නීතීඥ ආචාර ධර්ම කඩවන ආකාරයෙන් කටයුතු කර ඇති බවට විනිසුරුවරුන් තීරණය කර ඇත. ඒ අනුවයි ඔහුට වසර 5ක කාලයක් නීතීඥභාවය අත්හිටුවීමට තීරණය කර ඇත. මේ අතර නීතීඥ මදුර විතානගේ මහතාට අයත් පුද්ගලික බස් රථයක් මැතිවරණ ප්‍රචාරක කටයුතුවලට යොදාගත් බවට චෝදනා කරමින් එහි රියදුරුට එරෙහි පැමිණිල්ලක් පවත්වාගෙන යාමට නොහැකි බවට කොළඹ මහේස්ත්‍රාත් අධිකරණය තීරණය කර ඇත. ඒ අනුව අදාළ බස් රථය සහ රියදුරු මුදා හරින ලෙස අධිකරණය නියෝග කර ඇත.
