සටහන – රෂිකා හෙන්නායක
කොළඹ (LNW): ණය බරින් මිරිකී සිටින ජාතික ගුවන් සේවය වන ශ්‍රී ලංකන් ගුවන් සේවයෙන් ඉවත් කිරීම සඳහා රජය ලංසු කැඳවා ඇති බව වරාය, නාවික හා ගුවන් සේවා නිමල් සිරිපාල ද සිල්වා මහතා පවසයි.
1979 දී ආරම්භ කරන ලද ශ්‍රී ලංකන් ගුවන් සේවය එයාර්බස් A320 සහ A330 ගුවන් යානා 24කින් සමන්විත වන අතර, රටවල් 61ක ගුවන් ගමන් සහිතවූ 126ක ගුවන් ගමන් ජාලයකින් සමන්විත වූවකි
ශ්‍රී ලංකන් එයාර්ලයින්ස් සහ එහි අනුබද්ධ සමාගම්වල ඇති අති විශාල ණය කන්ද හේතුවෙන් එයට විසඳුමක් ලෙස එහි පළමු අදියර වන ප්‍රතිව්‍යුහගත කිරීමේ ක්‍රියාවලිය 2023 අවසානය වන විට අවසන් කිරීමට නියමිත බව මුදල් අමාත්‍යාංශ ආරංචි මාර්ග අනාවරණය කරයි.
වරාය හා සිවිල් ගුවන්සේවා අමාත්‍ය නිමල් සිරිපාල ද සිල්වා මහතා පවසා සිටියේ, වහා ප්‍රතිව්‍යුහගත කිරීමේ ක්‍රියාමාර්ග ක්‍රියාත්මක නොකළහොත් ශ්‍රී ලංකන් ගුවන් සේවයේ සේවකයන්ගේ රැකියා අවදානමට ලක්වන බවයි. ශ්‍රී ලංකන් ගුවන් සමාගමට අයත් එයාර්බස් ගුවන් යානා 27 න් දැනට ක්‍රියාත්මක වන්නේ 16 ක් පමණක් බවද අමාත්‍යවරයා පවසයි
ශ්‍රී ලංකන් ගුවන් සමාගමට සිදු වන මූල්‍ය පාඩුව රජයට දරාගත නොහැකි බවත්, තවදුරටත් බදු ගෙවන්නන්ගේ මුදල් මෙලෙස භාවිත කිරීම අසාධාරණ බවත් අමාත්‍යවරයා අවධාරණය කළේය
විදේශ ආයෝජකයින් කිහිප දෙනෙකු දැනටමත් ගුවන් සමාගමේ කළමනාකාරිත්වය පවරා ගැනීමට කැමැත්ත පළ කර ඇති බවද අමාත්‍යවරයා දන්වා සිටී
ශ්‍රීලන්කන් ගුවන් සේවයට අමෙරිකානු ඩොලර් බිලියන 1.2ක ණය ප්‍රමාණයක් ඇති බවත් පවසන අමාත්‍යවරයා, මේ වනවිට දෙස් විදෙස් මුද්‍රිත මාධ්‍ය, වෙබ් අඩවි උපයෝගී කරගනිමින් ටෙන්ඩර් කැඳවීමේ පත්‍රිකා පළ කර ඇතැයි ද දන්වා සිටී.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
