රෂිකා හෙන්නායක නොවැම්බර් 02, කොළඹ LNW :
නාවික හමුදා භාරයට ගත් ධීවර යාත්‍රාව ගොඩබිමට රැගෙන එමින් ඇති බව නාවික හමුදාව පවසයි. ඒ , එම නෞකාව ශ්‍රී ලංකාවට බටහිර දෙසින් වූ ගැඹුරු මුහුදු ප්‍රදේශයේදී මත්ද්‍රව්‍ය ප්‍රවාහනය කරමින් තිබියදී නාවික හමුදා භාරයට පත්වීමත් සමඟයි.
බොහෝවිට අද දිනයේ එම ධීවර යාත්‍රාව ගොඩබිමට ළඟාවීමට නියමිත බව, නාවික හමුදා මාධ්‍ය ප්‍රකාශකවරයා සඳහන් කළේය.
නාවික හමුදාව විසින් ශ්‍රී ලංකාවට බටහිර දෙසින් වූ ගැඹුරු මුහුදු ප්‍රදේශයේදී සිදු කළ විශේෂ නාවික මෙහෙයුමකදී එම ධීවර යාත්‍රාව නාවික හමුදා භාරයට ගැනුණු අතර, නාවික හමුදාව වැඩිදුරටත් පැවසුවේ,එම යාත්‍රාවේ සිටි සැකකරුවන් 06 දෙනෙකු ද සිය භාරයට ගත් බවයි.
