රෂිකා හෙන්නායක නොවැම්බර් 02, කොළඹ LNW :
ඊයේ (02) රාත්රී කාලයේ වත්තල පොලිස් වසමේ කෙරවලපිටිය ප්රදේශයේ රත්නාවලී ආරාමය අසලදී , මෙහෙණින් වහන්සේ නමකට බැන තර්ජනය කිරීමේ සිද්ධියක් සම්බන්ධයෙන් සැකකරුවන් දෙදෙනෙකු ප්රසිද්ධ ස්ථානයක කළහකාරි ලෙස හැසිරීමේ චෝදනාව යටතේ වත්තල පොලීසිය විසින් අත්අඩංගුවට ගෙන ඇත. සැකකරුවන් අවුරුදු 58 හා 67 වයස්වල පසුවන වත්තල ප්රදේශයේ පදිංචිකරුවන් මෙලෙස අත්අඩංගුවට ගෙන ඇත.
එම පුද්ගලයන් දෙදෙනා මෙහෙණින් වහන්සේට ඉතා අශෝබන ලෙස බැන තර්ජනය කරන සිදුවීමට අදාළ වීඩියෝවක් ද මේ වන විට සමාජ මාධ්ය ඔස්සේ සංසරණය වෙමින් පවතී. මෙම පුද්ගලයන් අද (03) වැලිසර මහේස්ත්රාත් අධිකරණය වෙත ඉදිරිපත් කිරීමට නියමිතය.
