සටහන – නිපුනි ලියනගේ
ලෝකය (අවුට්බවුන්ඩ් ටුඩේ): පාසල වෙත යන අතරතුර මෝටර් රථයක ගැටීමෙන් පිරිමි දරුවෙකු මියගොස් තවත් දරුවෙකු තුවාල ලබා තිබේ.
සිකුරාදා පෙරවරු 8.20 ට පසුව එසෙක්ස් හි චෙල්ම්ස්ෆෝර්ඩ් හි දකුණේ ස්ටොක් පාර වෙත හදිසි සේවා කැඳවන ලද්දේ මෙම අනතුර හේතුවෙනි.
දෙවැනි දරුවා ප්රතිකාර සඳහා ගුවනින් රෝහලට ගෙන යන ලදී. ඔවුන්ගේ වයස් තවමත් මාධ්ය වෙත ලබා දී නොමැත.
අනතුරුදායක ලෙස රිය පැදවීමෙන් මරණ සිදුකිරීම, අනතුරුදායක ලෙස රිය පැදවීමෙන් බරපතළ තුවාල සිදුකිරීම, බීමතින් හෝ මත්ද්රව්ය භාවිත කර නුසුදුසු ලෙස රිය පැදවීම සම්බන්ධයෙන් සැකපිට 23 හැවිරිදි පුද්ගලයෙකු මේ වන විට අත්අඩංගුවට ගෙන තිබේ. ඔහු තවදුරටත් අත්අඩංගුවේ පසුවේ.
