හොරණ – මිල්ලනිය ප්රදේශයේ පාසැලක 5 ශ්රේණියේ සිසුන් තිදෙනෙකුට පොලිස් නිලධාරීන් පිරිසක් විසින් පහරදී විදුලිසැර වද්දා අමානුෂික වධහිංසාවලට ලක්කිරීමේ සිදුවීමක් පිළිබඳව ජාතික ළමා ආරක්ෂක අධිකාරිය විමර්ශනයක් ආරම්භ කර තිබේ.
පසුගිය දෙවැනිදා මෙම සිදුවීම සිදුව ඇති බව සඳහන්.
එදින ගුරුවරියකගේ මුදල් පසුම්බියක් සොරකම් කිරීමේ සිද්ධියක් සම්බන්ධයෙන් එම ගුරුවරිය සහ විදුහල්පතිනිය 5 ශ්රේණියේ සිසුන් පිරිසක් පුස්තකාල කාමරයේ රඳවා තබාගෙන දණගස්වා පහරදී ඇති අතර පසුව මිල්ලනිය පොලීසියේ නිලධාරීන් කණ්ඩායමක් ද පාසැලට කැඳවා තිබේ.
එහිදී පොලිස් නිලධාරීන් ද එම සිසුන්ට පහරදී විදුලිසැර වද්දා වධහිංසාවට ලක්කර පොලිස් ජීප් රථයකට දමාගෙන එහිදී ද පහරදී ඇති බවයි පහරකෑමට ලක්වූ සිසුන් පවසන්නේ.
සිද්ධිය සම්බන්ධයෙන් විමර්ශන සිදුකරන ජාතික ළමා ආරක්ෂක අධිකාරිය මේ වනවිට පොලිස් ජීප් රථයක් සිය භාරයට ගෙන ඇති අතර මෙතෙක් අනාවරණය වූ කරුණු අධිකරණයට වාර්තා කිරීමට ද නියමිත බව සඳහන්.
RN
