අද එංගලන්තය සහ නවසීලන්තය අතර පැවත්වෙන මෙවර කාන්තා ලෝක කුසලාන රග්බි අවසන් තරගයේ විනිශ්චයට එක්වන හොලී ඩේවිඩ්සන් ලෝක කුසලාන රග්බි අවසාන තරගයක ප්‍රධාන විනිසුරුවරිය හැටියට, කටයුතු කරන පළමු කාන්තාව සේ ඉතිහාසයට එක්වෙයි.ස්කොට්ලන්ත ජාතික හොලී, 1994 දී ජිම් ෆ්ලෙමින්ගෙන් පසුව අවසාන තරගයක විනිසුරු මඩුල්ලක කටයුතු කරන දෙවන ස්කොට්ලන්ත විනිසුරුවරියද වෙයි.
රගර් විනිසුරු තනතුරට පළමුවරට වෘත්තීය මට්ටමෙන් පිවිසි කාන්තාව හැටියට සැළකෙන සාරා කොක්ස් මෙවර තරගාවලියේ ලෝකඩ පදක්කම සඳහා පැවත්වෙන කැනඩාව සහ ප්‍රංශය අතර තරගයේ විනිශ්චයට කැඳවා ඇත.මෙවර කාන්තා රගර් සූරතාවලියේ වැඩි අවධානයක් දිනා ගැනීමට කාන්තා විනිසුරුවරියන්ට ලබා දුන් අවස්ථාව අගය කළ යුතුය.
හොලී සය ජාතික ජාත්‍යන්තර පිරිමි තරගාවලියකදී පෘතුගාලය සහ ඉතාලිය අතර තරගයක් විනිශ්චය කරමින් එවැනි මට්ටමේ පිරිමි ජාත්‍යන්තර තරගයක් වනිශ්චය කළ පළමු විනිසුරුවරිය ලෙස ද ඉතිහාසයට එක් වී ඇත.මේ වන විට වෘත්තීය රගර් විනිසුරුවරියන්ගේ ස්ථානය සමබන්ධයෙන් හොලීටත් වඩා හඬ අවදි කරන්නියක වන සාරා දැනට ලැබෙන ඉඩ ප්‍රමාණයටත් වඩා පිරිමින් හා දක්ෂතාවය සළකා සමානව වැඩ කිරීමේ අවස්ථාව කාන්තාවන්ට හිමි විය යුතු බව විශ්වාස කරයි.
එක් අතකින් රගර් මෙන්ම තවත් අතකින් ක්‍රීඩාවේ අවස්ථා පිළිබඳ අසමානතාවයන් වෙනස් කරමින් කාන්තාවන්ට වැඩි අවස්ථාවක් හිමි වූ මෙවර ලෝක කාන්තා රගර් කුසලානය රගර් ක්‍රීඩාවට සම්බන්ධ සියලු ආකාරයේ කාන්තාවන්ට එම වෘත්තීන් හරහා ඉදිරියට යන්නට ජයග්‍රාහී මාවතක් සකස් කළ තරගාලියක් ලෙස ඉතිහාසයට එකතු වනු ඇත.
RM
