කොළඹ LNW:චීනයේ වාර්ෂික නව බලශක්ති වාහන නිෂ්පාදනය ප්රථම වරට මිලියන 10ක් ඉක්මවා තිබෙනවා.
ඒ අනුව වාර්ෂිකව නව බලශක්ති වාහන මිලියන 10ක් නිෂ්පාදනය කරන ලොව පළමු රට බවට චීනය පත්ව ඇති බව චීන මෝටර් රථ නිෂ්පාදකයින්ගේ සංගමය අද(14) ප්රකාශ කළා.
දත්තවලට අනුව, චීනයේ නව බලශක්ති වාහන නිෂ්පාදනය සහ විකුණුම් සංඛ්යාන පද්ධතියට ඇතුළත් කළ පළමු වසර වන 2013දී, නිෂ්පාදන ඒකක ප්රමාණය සටහන් වූයේ 18000ක් ලෙසයි. 2018 වසරේදී වාර්ෂික නිෂ්පාදනය මිලියනයකට ළඟා වූ අතර 2022දී වාර්ෂික නිෂ්පාදනය මිලියන 5ක් ඉක්මවා ගොස් තිබෙනවා.
ඒ අනුව මේ වසරේ ප්රථම වරට නිෂ්පාදන ඒකක ප්රමාණය මිලියන 10 ඉක්මවා ගිය අතර මෙම වසර අවසන් වීමට මාස එකහමාරක් තිබියදී, පසුගිය වසරේ මුළු අගයට සාපේක්ෂව නිෂ්පාදනය 4.3% කින් වැඩි වීම ද විශේෂත්වයක්. එමෙන්ම මේ වසර අවසන් වන විට මෙම සංඛ්යාව මිලියන 12 ඉක්මවනු ඇතැයි විශේෂඥයෝ අනාවැකි පළ කරනවා.
දිනූෂි ධීරසිංහ
