හිටපු අමාත්‍ය විමල් වීරවංශ මහතාගේ නායකත්වයෙන් යුත් උත්තර ලංකා සභාගය ඊයේ (13) මහනුවරදී පැවැත්වූ සම්මන්ත්‍රණයක් අවසානයෙහි එම ස්ථානයට පැමිණි පිරිසක් එහි නායකයින්ට දැඩි විරෝධයක් දක්වා තිබිණි.
විමල් වීරවංශ, වාසුදේව නානායක්කාර සහ ගෙවිඳු කුමාරතුංග යන පාර්ලිමේන්තු මන්ත්‍රීවරුන්ගේ ප්‍රධානත්වයෙන් මහනුවර පුෂ්පදාන ශාලාවේදී මෙම සම්මන්ත්‍රණය පැවැත්විණි.
වැඩසටහනින් අනතුරුව මන්ත්‍රීවරුන් පිටව යන අවස්ථාවේදී එම ශාලාව ඉදිරිපිට රැඳී සිටි පිරිසක් ඔවුන්ට සිය දැඩි විරෝධය පළ කළේ පසුගිය ආණ්ඩුවේ ප්‍රබල ඇමතිකම් දරමින් සිටි විමල් ඇතුළු පිරිස ද රටේ පවතින ආර්ථික අර්බුදයට වගකිවයුතු බව පවසමිනි.
ඒ වනවිට විමල් වීරවංශ මහතා එම ස්ථානයෙන් පිටව ගොස් තිබුණු අතර වාසුදේව නානායක්කාර මහතා ඇතුළු සෙසු නායකයින්ට එම ස්ථානයෙන් පිටව යාමට සිදුවූයේ නොනවතින “හූ” හඬ මධ්‍යයේ ය.
RN
