සටහන – රෂිකා හෙන්නායක
කොළඹ (LNW): විවිධ පුද්ගලයන් විසින් නීතිවිරෝධි ලෙස සඟවා තබා ගෙන ඇති සීනි තොග සිය භාරයට ගෙන, පාලන මිල යටතේ ජනතාවට බෙදා හැරීමට කටයුතු කරන බව පාරිභෝගික කටයුතු අධිකාරීය කියා සිටී.
පාරිභෝගික පනත යටතේ ඒ සඳහා ප්රතිපාදන පවතින බව එම අධිකාරිය පවසන අතර, මේ වන විට සීනි තොග සඟවා ඇති ස්ථාන හඳුනා ගැනීමට දීප ව්යාප්තව මෙහෙයුම් ක්රියාත්මක කර ඇති බවද සඳහන් වේ.
පෑලියගොඩදි එවැනි ගබඩාවකට ඊයේ දිනයේ දී මුද්රා තබා ඇති අතර, එහි තිබූ සීනි තොගයේ බර මෙට්රික් ටොන් 270 කි. තවද, පාලන මිල ඉක්මවා සීනි අලෙවි කළ ස්ථානයක් ද පාරිභෝගික කටයුතු අධිකාරියේ නිලධාරීන් විසින් ග්රෑන්ඩ්පාස් ප්රදේශයේදි වටලා ඇත.
එහි තිබූ සීනි මෙට්රික් ටොන් 05 ක් ද සිය භාරයට ගත් බව පාරිභෝගික කටයුතු අධිකාරිය සඳහන් කළේ ය.
පසුගිය දින කිහිපයේදි පාලන මිල ඉක්මවා සීනි අලෙවි කළ ස්ථාන 300 කට අධික සංඛ්යාවකට එරෙහිව පසුගිය දින කිහිපයේදි නීතිමය ක්රියාමාර්ග ගෙන ඇති බව ඔවුන් ප්රකාෂ කලහ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
