රුපියල අවප්‍රමාණයට සහ උද්ධමනය ඉහළ යෑමට ප්‍රධාන හේතු කිහිබලපෑ බව මහබැංකු අධිපතිතුමා පවසයි .
ශ්‍රී ලංකා මහබැංකු අධිපතිතුමා මේ බව 2022.11.15 දින මුදල් අමාත්‍යාංශ සම්මන්ත්‍රණයක් අමතමින් කියාසිටී . රට මෙවැනි අර්බුදයකට ගමන් නොකිරීමට අවශ්‍ය ව්‍යුහාත්මක ප්‍රතිසංස්කරණ 2023 අයවැයේ අන්තර් ගත බව මහබැංකු අධිපතිතුමා කීවේය .
ජනවාරි මාසයෙන් පසු අපගේ සංචිත තිබූයේ අඩුවෙන සහ තවත් ඉදිරියට නොලැබෙන තත්ත්වයකයි. අපට ණය ගෙවීමට තවදුරටත් හැකියාවක් නොමැතිව තිබියදී මහ බැංකුවෙන් ඩොලරයේ අගය රුපියල් 203 ට පවත්වාගෙන ගිය අතර , සංචිත තිබූ ප්‍රමාණයත් ණය ගෙවීමට සහ ඉන්ධන ගෙන්වීමට වියදම් කල බව ආචාර්ය නන්දලාල් වීරසිංහ මහතා පැවසීය .
එසේ කිරීමටත් නොහැකි වූ විට මාර්තු මාසයේ රුපියල පාකර හැර , කිසිදු පාලනයකින් තොරව රුපියල 203 සිට එක්වරම 365, 380 දක්වා ඉහළට යෑම සිදුවිය. දිගින් දිගටම මුදල් අච්චු ගැසීම නිසා උද්ධමනය වැඩි විය. එවිට ඊළඟ විසඳුම වූයේ මුදල් ප්‍රතිපත්තිය වැඩි කිරීමයි . ඒ අනුව අප්‍රේල් මාසයේ සිට පොලී අනුපාතය වැඩි කිරීමේ ක්‍රියාවලිය ක්‍රියාත්මක විය. ඒ සමඟම මුදල් අච්චු ගැසිම අඩු කර ආදායම් වැඩි කර ගැනීමට අවශ්‍ය විවිධ පියවර ගනු ලැබූ බවද මහබැංකු අධිපතිතුමා තවදුරටත් පැවසීය .
රෂිකා හෙන්නායක
2022.11.16
