සටහන – රුවන් නෙළුගොල්ල
වැරදි නිවැරදි කර ගනිමින් පක්ෂයේ ගමන ඉදිරියට යා යුතු බවත් පක්ෂ නායකත්වය සම්බන්ධයෙන් ගැටලුවක් පක්ෂය තුළ පැන නැඟී නොමැති බවත් සමගි ජන බලවේගයේ මහලේකම් රංජිත් මද්දුම බණ්ඩාර මහතා පවසයි.
ප්‍රශ්නය – දැන් ඔබතුමන්ලා එක්සත් ජාතික පක්ෂයේ ඉන්නකොට එළියට ආවේ රනිල් වික්‍රමසිංහ මහත්තයා ඉල්ලනවා, ඉල්ලනවා, පරදිනවා, පරදිනවා කියලා. දැන් මෙතුමාත් ඉල්ලනවා, ඉල්ලනවා, පරදිනවා, පරදිනවා ..?
“රනිල් වික්‍රමසිංහ මහත්තයා ගැන ඒ තීන්දුව ගත්තේ එතුමා 1994 පක්ෂ නායකත්වයට පත්වෙලා අවුරුදු 26 කට පස්සේ. බලන්න දැන් ජනතා විමුක්ති පෙරමුණ පැරදුණා, පැරදුණා, පැරදුණා නෙ. නායකත්වය වෙනස් කළේ නෑනෙ … ඉතින් අපේ නායකයා තවම පත්වෙලා අවුරුදු හතරහමාරයි”
ප්‍රශ්නය – ඒ කියන්නෙ තවත් අල්ලන් යන්න පුළුවන් කියලා හිතනවා ?
“අනිවාර්යයෙන්ම. වැරදි නිවැරදි කරගෙන මේ ගමන අපි යන්න ඕනෙ”
ප්‍රශ්නය – නායකත්වයේ වෙනසක් වෙනවාද, මෙහෙම්ම යනවාද ?
“එහෙම ප්‍රශ්නයක් නෑ පක්ෂය ඇතුළේ”
ප්‍රශ්නය – දැනට ප්‍රශ්නයක් නෑ, නමුත් යටින් එන්නෙ නැද්ද කැරැල්ලක් නායකත්වය නිසා තමයි පැරදුණේ කියලා ?
“එහෙම කැරැල්ලක් කොහෙන්වත් ඇවිල්ලා නෑ”
රංජිත් මද්දුම බණ්ඩාර මහතා මේ බව පැවසුවේ ඊයේ (නොවැම්බර් 17) සජබ ප්‍රධාන කාර්යාලයේදී පැවති මාධ්‍ය හමුවක් අමතමිනි.
