සටහන: සශිකලා මධුෂාණි
නොවැම්බර් 18: ලෝකය(අවුට්බවුන්ඩ් ටුඩේ) : කෘත්‍රිම බුද්ධි මෙවලම් පවසන සෑම දෙයක්ම “අන්ධ ලෙස විශ්වාස නොකළ යුතු” බව ගුගල් ඇල්ෆබෙට් ඉන්කෝපරේෂන් හි ප්‍රධාන විධායක නිලධාරී සුන්දර් පිචායි ප්‍රකාශ කර තිබේ.
BBC සමඟ සම්මුඛ සාකච්ඡාවකට එක්වෙමින් සුන්දර් පිචායි වැඩිදුරටත් සඳහන් කර තිබුණේ, කෘත්‍රිම බුද්ධි මෙවලම් පවසන දෑ දෝෂ වලට ගොදුරු විය හැකි හෙයින් අනෙකුත් මෙවලම් සමඟ භාවිතා කළ යුතු බවයි.
මැයි මාසයේ සිට, ගූගල් එහි Gemini chatbot භාවිතයෙන් එහි සෙවුමට “AI මාදිලියක්” හඳුන්වා දී ඇති අතර, එය පරිශීලකයින්ට විශේෂඥයෙකු සමඟ කතා කිරීමේ අත්දැකීම ලබා දීම අරමුණු කරයි.
මෙහිදී සුන්දර් පිචායි වැඩිදුරටත් සඳහන් කර තිබුණේ, හැකිතාක් නිවැරදි තොරතුරු ලබා දීම සඳහා අප කරන වැඩ ප්‍රමාණය ගැන අපි ආඩම්බර වන නමුත් වර්තමාන අති නවීන AI තාක්‍ෂණය සමහර දෝෂ වලට ගොදුරු විය හැකි බවයි.
