ජාතික ජන බලවේගයට බලය හිමි කළුතර ප්රාදේශීය සභාවේ මංගල අයවැය ද පරාජයට පත්ව තිබේ.
එම අයවැය අද (20) දිනයේදී එම සභාවේ සභාපති අරුණ ප්රසාද් මහතා (ජාජබ) විසින් ඉදිරිපත් කරනු ලැබූ අතර සමගි ජන බලවේගයේ මන්ත්රී සංජීව ලලීන්ද්ර මහතාගේ ඉල්ලීමක් අනුව එම අයවැය සම්බන්ධයෙන් ඡන්ද විමසීමක් පවත්වනු ලැබිණි.
එහිදී අයවැයට විපක්ෂව ඡන්ද 16ක් හිමිවු තිබූ අතර ඊට පක්ෂව හිමිව තිබුණේ ඡන්ද 15ක් පමණි.
එක්සත් ජාතික පක්ෂයේ මන්ත්රීවරයා ඡන්ද විමසීමට සහභාගී වී නොමැත.
කළුතර ප්රාදේශීය සභාවේ ජාජබ මන්ත්රීවරුන් 15 දෙනෙකු සිටින අතර විපක්ෂය නියෝජනය කරන පක්ෂවල මන්ත්රීවරු 17 දෙනෙකු සිටිති.
