කොළඹ මහේස්ත්‍රාත් අධිකරණය විසින් ඊයේ (23) පෙරවරුවේ ඇප මත මුදා හැරීමට නියම කෙරුණු ගල්වැව සිරිධම්ම හිමියන් ඊයේ පස්වරුවේ ම කඩුවෙල මහේස්ත්‍රාත් අධිකරණය විසින් යළි රක්ෂිත බන්ධනාගාරගත කර තිබේ.
පසුගිය අරගල සමයේ සිදුවීම්වලට අදාළව ත්‍රස්තවාදය වැළැක්වීමේ පනත යටතේ අත් අඩංගුවට ගෙන තිබුණු එහිමියන්ව රුපියල් ලක්ෂ 5 බැගින් වූ ශරීර ඇප දෙකක් මත නිදහස් කරන ලෙස කොළඹ මහේස්ත්‍රාත් අධිකරණය ඊයේ පෙරවරුවේ නියෝග කළේය.
ඉන් අනතුරුව පොලිසිය එහිමියන්ව කඩුවෙල මහේස්ත්‍රාත් අධිකරණයට ඉදිරිපත් කර තිබුණේ පසුගිය ජුනි 10 වනදා ඉසුරුපාය අධ්‍යාපන අමාත්‍යාංශය ඉදිරිපිට පැවති විරෝධතාවකදී පොදු දේපළවලට හානි කළ බවට චෝදනා කරමිනි.
එහිදී එහිමියන්ව දෙසැම්බර් 06 වනදා දක්වා රක්ෂිත බන්ධනාගාරගත කරන ලෙසයි කඩුවෙල මහේස්ත්‍රාත් අධිකරණය නියෝග කළේ.
RN
