සටහන – පුලී
නොවැම්බර් 25, කොළඹ (LNW): වසර 10,000කට පසු ප්රථම වරට ඉතියෝපියාවේ ගිනි කන්දක් පුපුරා ගොස් ඇති බවට විදෙස් මාධ්ය වාර්තා කරයි.
ඝන දුමාරයක් සහ අළු ඉහළ අහසට විසි වීමෙන් සැතපුම් දහස් ගණනක් ඈතින් ඉන්දීය ගුවන් ගමන් වලට ද එහි බලපෑම් ඇති වී තිබේ.
ඉතියෝපියාවේ සිට පැමිණි ගිනිකඳු අළු දුමාරය ඕමානය සහ යේමනය හරහා රතු මුහුද හරහා හමා ගොස් දිල්ලියට ද ළඟා වී ඇති බව ඉන්දීය කාලගුණ විද්යා දෙපාර්තමේන්තුව (IMD) පවසයි.
ඉතියෝපියාවේ ඊසානදිග අෆාර් කලාපයේ දිගු කලක් නිද්රාශීලීව පැවති මෙම Hayli Gubbi ගිනි කන්ද ඉකුත් ඉරිදා සක්රීය වෙමින් පැවතුණු අතර, අසල්වැසි ගම්මාන දූවිලි වලින් වැසී ගොස් වැඩ කරන ගොවි ජනතාවට ද බඩට පහරක් ඇති කර තිබේ.
ගිනිකඳු අළු යනු පිපිරීමක් අතරතුර වායුගෝලයට මුදා හරින කුඩා අංශු වලාකුළකි. එමඟින් ගුවන් යානා එන්ජින් වලට හානි කළ හැකි අතර ගුවන් තොටුපල දූෂණය කළ හැකි මෙන්ම දෘශ්යතාව අඩු කළ හැකිය. එමඟින් ගුවන් ගමන් මෙහෙයුම් වලට අනතුරුදායක තත්ත්වයක් ඇති වන හෙයින් ගුවන් ගමන් කිහිපයක්ම අවලංගු කර ඇති බවට ද වාර්තා වේ.
