සටහන – රෂිකා හෙන්නායක
කොළඹ (LNW): දිවයින තුළ ජාත්‍යන්තර වටිනාකමක් සහිත වෛද්‍ය විද්‍යාල තුනක් පිහිටුවීම සඳහා ශ්‍රී ලංකාව නීති සම්පාදනය කිරීමට නියමිත බව තොරතුරු වාර්තා වන අතර, මීට පෙර වෛද්‍ය ආඥාපනත සංශෝධනය කිරීමට කැබිනට් අනුමැතිය හිමිව ඇති බවද සඳහන් වේ. මෙහිදී ජාත්‍යන්තර වශයෙන් පිළිගැනීමක් යටතේ ශ්‍රේණිගත කර ඇති විදේශීය විශ්වවිද්‍යාල විසින් පිරිනමනු ලබන වෛද්‍ය උපාධි මෙමඟින් ශිෂ්‍යන්ට පිරිනැමෙනු ඇත.
ශ්‍රී ලංකා වෛද්‍ය සභාවේ නිලධාරියෙකු සඳහන් කළේ, අවශ්‍ය තොරතුරු කෙටුම්පත් කර නීති කෙටුම්පත් සම්පාදකවරයා වෙත පරීක්ෂා කිරීම සඳහා යවා ඇති බවයි.
ශ්‍රී ලාංකික සිසුන් විශාල පිරිසක් නේපාලය, බංග්ලාදේශය, චීනය වැනි රටවල විශ්වවිද්‍යාලවලින් වෛද්‍ය උපාධි ලබා ගන්නා අතර, මෑතකදී, බංග්ලාදේශය සිය වෛද්‍ය විශ්ව විද්‍යාල සඳහා විවිධ අවස්ථා ඇති බවත්, ඒවාට සම්භන්ධ වන ලෙසත් ඉල්ලීමක් කර ඇත.
ශ්‍රී ලංකාව තුළ පෞද්ගලික වෛද්‍ය විද්‍යාල තුනක් පිහිටුවීමට අමාත්‍ය මණ්ඩලය අනුමැතිය ලබා දී ඇති මෙම නව වෛද්‍ය ආයතන රට තුළ පවතින වෛද්‍ය විද්‍යාල විසින් නියම කර ඇති ප්‍රමිතීන්ට අනුකූලව ක්‍රියා කරන බවද වාර්තා වේ.
මේ රටේ අනෙකුත් පිළිගත් වෛද්‍ය විද්‍යාලවලට මෙම නව විශ්ව විද්‍යාලවලද ප්‍රමිතීන් සපුරාලීම හෝ ඉක්මවා යාම අනිවාර්ය නීතියක් වන අතර , මෙම විශ්වවිද්‍යාල වලට රෝහල් තුනක් ඒකාබද්ධ කර ඇති බවද වාර්තා වේ.
වෛද්‍ය අධ්‍යාපනය හැදෑරීමට මූල්‍යමය බාධාවන්ට මුහුණ දෙන සුදුසුකම් ලත් සිසුන්හට ශිෂ්‍ය සංඛ්‍යාවෙන් 10% කට ශිෂ්‍යත්ව වෙන් කරන බවද අනාවරණය වී ඇත.
තීරණාත්මක සෞඛ්‍ය ආරක්ෂණ අභියෝගවලට මුහුණ දීම සඳහා අපගේ කැපවීම තවදුරටත් ඉදිරියට ගෙන යාමේදී, මෙම ක්‍රියාවලිය වැදගත් වන අතර, දැනට, වෛද්‍ය පීඨ 13ක් රට පුරා ස්ථාපිතව ඇත. නමුත් , කනගාටුවට කරුණක් නම්, මෙම ආයතනවලට ඇතුළත් කරගනු ලබන්නේ පුද්ගලයන් 2000 ක් පමණ ප්‍රමාණයකි. වෛද්‍ය ක්‍ෂේත්‍රයේ දස්කම් දැක්වීමට අපේක්ෂා කරන මූලික සුදුසුකම් ඇති අයට අවස්ථා සැලසීම අත්‍යවශ්‍ය වන අතර, මෙම නව විශ්ව විද්‍යාල පිහිටුවීමෙන් එම අරමුණ සාර්ථක වනු ඇත.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
