රොෂාන් ඉවත් කිරීමට පෙර චෝදනා දෙකක්

Date:

සටහන – නිශ්මං රණසිංහ

කොළඹ (LNW): රොෂාන් රණසිංහ ඉවත් කිරීමට පෙර ජනාධිපතිවරයා විසින් ඔහුට චෝදනා දෙකක් කර තිබෙනවා.ඉන් එක් චෝදනාවක් ක්‍රීඩා අමාත්‍යවරයා ලෙස ඔහු ක්‍රිකට් සම්බන්ධයෙන් හැසිරි තිබෙන ආකාරයට සම්බන්ධයි.දෙවන කාරණයේදි ජනාධිපතිවරයා මතු කර ඇත්තේ මහවැලි ඉඩම් බෙදා දීමේදී රොෂාන් රණසිංහ අමාත්‍යවරයා කටයුතු කර තිබෙන ආකාරයයි.


ජාත්‍යන්තර ක්‍රිකට් කවුන්සිලය සමඟ සාකච්ඡා කිරීමට ජනාධිපතිවරයි විසින් කැබිනට් අනුකමිටුවක් පත්කර තිබියදී,රොෂාන් රණසිංහ අමාත්‍යවරයා සජිත් ප්‍රේමදාස විපක්ෂනායකවරයාගේ කාර්යාලයට ගොස් ලක්ෂ්මන් කිරිඇල්ල මන්ත්‍රීවරයාගේද මැදිහත්වීම ඇතුව ඉන්දීය මහා කොමසාරිස් කාර්යාලය හරහා ඉන්දීය ක්‍රිකට් බලධාරීන්ට කතා කිරීම ක්‍රිකට් සම්බන්ධයෙන් ජනාධිපතිවරයා ඔහුට ඉදිරිපත් කළ චෝදනාවයි.ඉන්දීය ක්‍රිකට් පරිපාලනයේ නම් දෙරට අතර දේශපාලන අර්බූදයක් මතුවන තරමින් පාර්ලිමේන්තුවේදී නම් පවා ප්‍රකාශ කරමින් මතු කළේ රොෂාන් රණසිංහ අමාත්‍යවරයා යි.තවමත් ඒ ආකාරයටම සමාජය ඉදිරියේ පෙනී සිටිමින් ඉන්දීය ක්‍රිකට් පාළක මණ්ඩලය පසුපස ප්‍රශ්නය විසඳා ගැනීමට අමාත්‍යවරයා යනු ඇතැයි සාමාන්‍ය සමාජයට විශ්වාස කළ නොහැකි වුව ත් ජනාධිපතිවරයාගේ මේ චෝදනාවට ඔහු කිසිවක්ම ප්‍රකාශ කරන්නට ගියේ නැති බව කැබිනට් මණ්ඩල ආරංචි මාර්ග පෙන්වා දෙනවා.


ඉනික්බිති රොශාන් රණසිංහ කැබිනට් අනුමැතිය සඳහා ඉදිරිපත් කළ IR/2023/57 අමාත්‍ය මණ්ඩල සදේශයෙන් ඉඩම් ලබා දීමට නිර්දේශ කර ඇති බහුතරයක් ඔහුගේ දේශපාලන හිතවතුන් සහ ඥාතී හිතමිත්‍රයන් වීම ගැන ජනාධිපතිවරයා පෙන්වා දුන්නා.ඒ සම්බන්ධයෙන් ද රොශාන් රණසිංහ අමාත්‍යවරයා කිසිවක් ප්‍රකාශ කරේ නැති බවයි කැබිනට් ආරංචි මාර්ග පෙන්වා දෙන්නේ.
කැබිනට් ආරංචි මාර්ගවලට අනුව රොෂාන් රණසිංහ දරන ලද අමාත්‍ය පදවිවලින් ඉවත් කළ බවට අදාළ ලිපිය ලබා දි ඇත්තේ ඉන් අනතුරුවයි.

Share post:

spot_imgspot_img

Popular

More like this
Related

සහකාර පොලිස් අධිකාරී ඕලුගලට විශේෂ රාජකාරියක්!

රෂිකා හෙන්නායක සැප්තැම්බර් 09 ,කොළඹ LNW : සහකාර පොලිස් අධිකාරී...

ජනාධිපතිවරුන්ගේ හිමිකම් (අවලංගු කිරීමේ) පනත: දෙවන වර කියවීම හෙට!

කොළඹ LNW:ජනාධිපතිවරුන්ගේ හිමිකම් (අවලංගු කිරීමේ) පනත් කෙටුම්පත හෙට දින...

ඇමති විජිතගේ ස්ථාවරය ප්‍රබලයි.විය යුත්තේ එයයි – මහාචාර්ය ප්‍රතිභා මහානාමහේවා

කොළඹ LNW: එක්සත් ජාතීන්ගේ මානව හිමිකම් කවුන්සිලයේදී විදේශ කටයුතු...

ආගම මැයෙන් මිනිසුන් කුපිත කරවන ආගමික නායකයන් මැද, ආදරයේ පණිවිඩය ක්‍රියාවෙන් ඔප්පුකළ පාප්වහන්සේ: සමරිසි බැතිමතුන් දහස් ගණනින් වතිකානුවට!

ආගම මැයෙන් මිනිසුන් කුපිත කරවන ආගමික නායකයන් මැද, ආදරයේ පණිවිඩය ක්‍රියාවෙන් ඔප්පුකළ පාප්වහන්සේ: සමරිසි බැතිමතුන් දහස් ගණනින් වතිකානුවට!