රෂිකා හෙන්නායක නොවැම්බර් 29, කොළඹ LNW :
තවමත් පහව ගොස් නැති, පවතින අයහපත් කාලගුණ තත්ත්නය හමුවේ මහවැලි ගඟ, දැදුරු ඔය, මහ ඔය, කලා ඔය, සහ මැණික් ගඟ යන ගංඟා ගංවතුර අවදානමක පවතින බැවින් එම ගංඟා දෙපස පහත් බිම් ප්‍රදේශවල ජීවත් වන පදිංචිකරුවන්ට ආරක්ෂිත ස්ථාන කරා ඉවත් වන ලෙස ආපදා කළමනාකරණ මධ්‍යස්ථානය පවසයි.
තවද , ආපදා කළමනාකරණ මධ්‍යස්ථානය දැනුම්දෙන්නේ, කැළණි ගඟ දෙපස පහත් බිම් ප්‍රදේශවල ජීවත් වන පදිංචිකරුවන්ටද ඇති විය හැකි ගංවතුර තත්ත්වය හේතුවෙන් ආරක්ෂිත ස්ථාන කරා ඉවත් වන ලෙසයි.
මේ අතර, මල්වතු ඔය ද්‍රෝණිය සඳහා නිකුත් කළ ගංවතුර අනතුරු ඇඟවීමේ නිවේදනයද ඉදිරි පැය 48 දක්වා එලෙසම බලපැවැත්වෙන බව වාරිමාර්ග දෙපාර්තමේන්තුව සඳහන් කළේය.
එබැවින් එම ප්‍රදේශවල පදිංචි මහජනතාව දැඩි විමසිල්ලෙන් පසුවන ලෙසත් ආරක්‍ෂාකාරීවීමට කටයුතු කරන ලෙසත් දැනුම් දෙයි.
