කොළඹ LNW:පැවති අයහපත් කාලගුණය සමග කළු ගගේ ජලධාරිතාව අධික ලෙස ඉහළ ගිය බැවින් ජලය බැස යාමට පහසු වන පරිදි සහ පවතින වැලි පරයට කිසිදු හානියක් සිදු නොවන පරිදි කළුගං මෝය කට ශුද්ධ පවිත්‍ර කිරීම අද (29) උදෑසන සිදු කර තිබේ.
වෙරළ සංරක්ෂණ අධිකාරිය සහ වාරිමාර්ග දෙපාර්තමේන්තුව එක්ව ජලය බැස යාමට කඩිනම් පියවරක් වශයෙන් අද උදෑසන වැලි පරය අසළ එක්ව තිබෙන රොන්මඩ ඉවත් කරමින් මෙම පිරිසිදු කිරීමේ කටයුතු සිදුකෙරිණ .
මෙම අවස්ථාව සඳහා කළුතර මහ දිසාපති, දිස්ත්‍රික් වාරිමාර්ග ඉංජිනේරු, කළුතර ආපදා කළමනාකරණ මධ්‍යස්ථානයේ නිලධාරීන් ඇතුළු පිරිසක් සහභාගී වූහ.
