ආදායම් බදු වාර්තා ඉදිරිපත් කිරීම සඳහා නොවැම්බර් 30 වනදා සිට අමතර සතියක කාලයක් ලබාදෙන බව මුදල් රාජ්‍ය අමාත්‍ය ෂෙහාන් සේමසිංහ මහතා පවසයි.
පුද්ගලික ආදායම් බදු, සමාගම් බදු, හවුල් ව්‍යාපාර බදු යනාදී මෙම බදු වාර්තා ගොනු කිරීම සඳහා වන දේශීය ආදායම් දෙපාර්තමේන්තුවේ මෘදුකාංගයේ ගැටලුවක් හේතුවෙන් යම් තදබදයක් නිර්මාණය වී ඇති බවයි අමාත්‍යවරයා සඳහන් කළේ.
ඒ අනුව, එම අමතර සතියක කාලය තුළ භාරදෙන ආදායම් බදු ලිපිගොනු නොවැම්බර් 30 වනදා භාරදුන් ඒවා ලෙස සලකන අතර එම කාලය තුළ කිසිදු දඩයකට යටත් නොකර නවත් ඒ මහතා අවධාරණය කළේය.
රාජ්‍ය අමාත්‍ය ෂෙහාන් සේමසිංහ මහතා මේ බව පැවසුවේ සමගි ජන බලවේගයේ පාර්ලිමේන්තු මන්ත්‍රී ජේ. සී. අලවතුවල මහතා අද (01) පාර්ලිමේන්තුවේදී නැඟූ ප්‍රශ්නයකට පිළිතුරු ලබාදෙමිනි.
RN
