*
දේශීය පුවත් විස්තරය: සාරාංශය 12/01
- ජනාධිපති රනිල් වික්‍රමසිංහ මහතා ඩුබායි හි පැවැත්වෙන COP’28 ලෝක නායක සමුළුවට සහභාගී වීම සඳහා දිවයිනෙන් පිටත්ව යයි: ජනාධිපතිවරයා සමඟ අමාත්‍යවරුන් 3 දෙනෙකු, විපක්ෂ මන්ත්‍රීවරුන් 2 දෙනෙකු සහ පාරිසරික ගැටළු පිළිබඳව දැඩි උනන්දුවක් දක්වන තරුණයන් 20 දෙනෙකු සහභාගී වේ.
- CCPI අනුව සමස්ත උද්ධමන අනුපාතය, 2023 ඔක්තෝබර් හි 1.5% සිට 2023 නොවැම්බර් හි 3.4% දක්වා වැඩි වේ: ආහාර උද්ධමනය 2023 ඔක්තෝබර් හි (-5.2)% ට සාපේක්ෂව නොවැම්බර් හි (-3.6)% දක්වා වැඩි වේ: ආහාර නොවන උද්ධමනය ඔක්තෝබර් හි 4.9% සිට නොවැම්බර් හි 6.8% දක්වා වැඩි වේ.
- ඉන්ධන මිල සංශෝධනය කෙරේ: ඔක්ටේන් 92 පෙට්‍රල් රුපියල් 10 කින් අඩුවී රුපියල් 346 ක් ලෙස, ඔක්ටේන් 95 පෙට්‍රල් රුපියල් 3 කින් ඉහළ ගොස් රුපියල් 426 ක් ලෙස, ඔටෝ ඩීසල් රුපියල් 27 කින් අඩුවී රුපියල් 329 ක් ලෙස, සුපර් ඩීසල් රුපියල් 3 කින් ඉහළ ගොස්ට රු.434 ලෙස සහ භූමිතෙල් ලීටරයක් රු.2 කින් පහළ ගොස් රු.247 ලෙස දැක්වේ. SINOPEC සහ LIOC ද CPC මිලට සරිලන පරිදි ඔවුන්ගේ ඉන්ධන මිල සංශෝධනය කිරීමට නියමිතය.
- පාර්ලිමේන්තුවේ කාලය කළමනාකරණය කිරීමට පියවර ගන්නා ලෙස ආණ්ඩු පක්ෂයේ ප්‍රධාන සංවිධායක සහ අමාත්‍ය ප්‍රසන්න රණතුංග කථානායකවරයාගෙන් ඉල්ලා සිටී. පාර්ලිමේන්තුවේ ආණ්ඩු පක්ෂයේ සහ විපක්ෂයේ මන්ත්‍රීවරුන් තමන්ට වෙන් කළ වේලාවට අමතරව විනාඩි 552ක් භාවිත කළ බව කියයි: විපක්ෂ නායක සජිත් ප්‍රේමදාස එයින් විනාඩි 204ක් භාවිත කළ බවද කියයි.
- දේවගැති ජෙරොම් ප්‍රනාන්දු පැය 8ක පමණ කාලයක් රහස් පොලිසියට ප්‍රකාශයක් ලබා දෙයි: ප්‍රකාශය කරගෙන යාමට අදත් රහස් පොලිසියට කැඳවා ඇත.
- ආන්දෝලනාත්මක Immunoglobulin ආනයනය සම්බන්ධයෙන් සෞඛ්‍ය අමාත්‍යාංශයේ හිටපු ලේකම් ජනක චන්ද්‍රගුප්ත මහතා අපරාධ පරීක්ෂණ දෙපාර්තමේන්තුවට පැය 4කට ආසන්න කාලයක් ප්‍රකාශයක් ලබාදෙයි.
- හිටපු ක්‍රීඩා අමාත්‍ය රොෂාන් රණසිංහ පසුගිය පාර්ලිමේන්තු සැසිවාරයකදී කළ ප්‍රකාශයක් අභියාචනාධිකරණයේ සභාපතිවරයාට අගතියක් වන බවට චෝදනා කරමින් නීතිඥ දිමිත්‍රි පියට්‍රංගේලි විසින් පෙත්සමක් ගොනු කරයි: විරෝධතා ඇත්නම් 2023 දෙසැම්බර් 15 හෝ ඊට පෙර ගොනු කරන ලෙස අභියාචනාධිකරණය රණසිංහට නියෝග කරයි: පාර්ලිමේන්තු මන්ත්‍රී රොෂාන් රණසිංහ මහතා පාර්ලිමේන්තුවේදී කරන ප්‍රකාශ සම්බන්ධයෙන් කිසිවෙකුට නීතිමය ක්‍රියාමාර්ග ගැනීමට නොහැකි බැවින් ඔහුට එරෙහිව පවරා ඇති අධිකරණයට අපහාස කිරීමේ නඩුව වැරදි බව කථානායක මහින්ද යාපා අබේවර්ධන මහතා පවසයි.
- ජාතික ලිංගාශ්‍රිත රෝග/ඒඩ්ස් මර්දන වැඩසටහනේ අධ්‍යක්ෂිකා වෛද්‍ය ජානකී විදානපතිරණ මහත්මිය පවසන්නේ HIV/AIDS වැළැක්වීමේ පියවරක් ලෙස මහජනතාවට කොන්ඩම් ලබාගැනීමට පහසු වන පරිදි පොදු ස්ථානවල Smart Condom Vending Machines ස්ථාපිත කරන බවයි.
- හිස් ප්ලාස්ටික් කාඩ්පත් නොමැතිවීම හේතුවෙන් තම දෙපාර්තමේන්තුවට රියදුරු බලපත්‍ර ලක්ෂ 9ක් පමණ මුද්‍රණය කිරීමට නොහැකි වී ඇති බව මෝටර් රථ ප්‍රවාහන දෙපාර්තමේන්තුවේ කොමසාරිස් ජනරාල් නිශාන්ත වීරසිංහ පවසයි. මාස 6කින් හෝ ඊට වැඩි කාලයකින් විසඳිය හැකි ගැටලුව විසඳීමට තම දෙපාර්තමේන්තුව උපරිමයෙන් කටයුතු කරන බවද පවසයි.
- පවතින ක්‍රීඩා පනතට ඉදිරියේදී සංශෝධන ගෙන ඒමට බලාපොරොත්තු වන බව ක්‍රීඩා අමාත්‍ය හරීන් ප්‍රනාන්දු මහතා පවසයි. ක්‍රීඩා අමාත්‍යාංශයට තිබෙන ලොකුම ප්‍රශ්නය ක්‍රීඩා සංගම් බව ප්‍රකාශ කරයි: සංගම්වල ප්‍රශ්න නිසා ක්‍රීඩකයන්ගේ ප්‍රශ්න ගැන අවධානය යොමු කිරීමට කාලයක් නැති බව දක්වයි.
