කොළඹ LNW:කරුණු කිහිපයක් මුල්කරගනිමින් හෙට (05) දින ගුරු විදුහල්පති වෘත්තීය සමිති සන්ධානය විසින් පාර්ලිමේන්තුව ඉදිරිපිට දැවැන්ත විරෝධතාවක් සංවිධානය කර තිබේ.
අධ්‍යාපනය සඳහා නිසිලෙස මෙවර අයවැයෙන් මුදල් වෙන් නොකිරීම,ගුරු විදුහල්පති වැටුප් විෂමතාව ඉවත් නොකිරීම සහ අයවැයෙන් රජයේ සේවකයින්ට වැඩි කළ රු.10000ක වැටුප් වැඩිවීම ජනවාරි මාසයේ සිටම ලබා දීමට බලකිරීම යන කරුණු එම විරෝධතාවට ප්‍රධාන වශයෙන් බලපා තිබේ.
අද (04)කොළඹදී මාධ්‍ය හමුවක් කැඳවමින් ගුරු විදුහල්පති වෘත්තීය සමිති සන්ධානය පැවසුවේ හෙට පස්වරු 01.30ට එම විරෝධතාව සංවිධානය කර තිබෙන බවයි.
සිය ඉල්ලීම් ඉටුවන තෙක් අඛණ්ඩව විරෝධය ඉදිරියට ගන යන බවද ඔවුන් අවධාරණය කරන ලදී.
ASK
