ලබන වසරේ අඛණ්ඩ විදුලි සැපයුමක් ලබාදීමට විදුලි ඒකකයක් වෙනුවෙන් රු. 56.90ක් වැය වනු ඇති බවත් වර්තමානයේ විදුලි ඒකකයක නිෂ්පාදන වියදම රු. 29.14ක් වන බවත් විදුලිබල ඇමැති කංචන විජේසේකර මහතා පැවසීය.
එබැවින් වන පාඩුව දළ වශයෙන් රුපියල් බිලියන 423.5ක් බව ට්විටර් පණිවුඩයක් නිකුත් කරමින් අමාත්‍යවරයා පවසා සිටියේය.
මහජන උපයෝගිතා කොමිසම පැවසූ පරිදි විදුලිබිල සංශෝධනයක් හරහා විදුලිබල මණ්ඩලයේ අතීත ණය පියවා ගැනීමට ආණ්ඩුව යෝජනා කර නොමැති බවත් ජනතාවට අඛණ්ඩ විදුලි සැපයුමක් ලබාදීම සහ වර්තමාන විදුලි පිරිවැය පියවා ගැනීම සඳහා ‘ස්වයංක්‍රීය අර්ධ වාර්ෂික පිරිවැය අය කර ගැනීම මත පදනම් වූ විදුලි ගාස්තු ගැලපුම් යන්ත්‍රණය හඳුන්වා දීම සඳහා යෝජනාවක් ඉදිරිපත් කළ බවත් අමාත්‍යවරයා සිය ට්විටර් පණිවුඩයෙන් පවසා සිටියේය.
රෂිකා හෙන්නායක
2022.12.06
