සටහන: පුන්සරා ලියනගේ
දෙසැම්බර් 08, ලෝකය (අවුට්බවුන්ඩ් ටුඩේ):ෆිලඩෙල්ෆියා හි පිහිටි වැඩිහිටි නිවසකදී හමු වූ 100 හැවිරිදි පුද්ගලයෙක් සහ 102 හැවිරිදි කාන්තාවක් ආදරයෙන් බැඳී විවාහ වී ලොව වයස්ගතම අලුත විවාහ වූ යුවළ ලෙස ගිනස් ලෝක වාර්තා පොතට එක් වූයේ වයසට යෑම අදාලත්වයක් නැති ආදරයට අරුතක් එක් කරමිනි.
බර්නි ලිට්මන් සහ මාර්ජෝරි ෆිටර්මන් යන මෙම යුවල මැයි 19 වන දින ඔවුන් දෙදෙනා පදිංචිව සිටින වැඩිහිටි නිවසේ විවාහ වී ලොව වයස්ගතම යුවළගේ වාර්තාව බිඳ දැමූ බව ගිනස් ලෝක වාර්තා තහවුරු කර තිබේ.
ලිට්මන් සහ ෆිටර්මන් එහි පැවති ඇඳුම් විලාසිතා දැක්වීමේ සාදයකදී හමු වූ අතර පසුව ඔවුන් දෙදෙනාම පෙන්සිල්වේනියා විශ්ව විද්යාලයට එකවර ගොස් ඇති බව ද ප්රකාශ කරයි.
උත්සවය මෙහෙය වූ රබ්බි ඇඩම් වොල්බර්ග් පැවසුවේ මෙම යුවළ “අවසානයේ සමීප මිතුරන් පමණක් නොව – ස්වාමිපුරුෂයා සහ භාර්යාව ලෙස ගත යුතු නිවැරදි පියවරක්” ගෙන ඇති බවයි.
