මෙරට වායුගෝලයේ තත්ත්වය මැනීම සඳහා නව උපකරණ සවිකිරීමට පියවර ගෙන ඇතැයි මධ්‍යම පරිසර අධිකාරිය පවසයි.
යාපනය, කුරුණෑගල සහ අනුරාධපුරය යන නගරවල නව උපකරණ සවිකර තිබේ.
මෙම උපකරණ මෙරටට ලබා දී ඇත්තේ ලෝක සෞඛ්‍ය සංවිධානය මගින් ය.
ඒ හරහා අදාල ප්‍රදේශයේ පවතින වායුවේ ගුණාත්මකභාවය ස්වයංක්‍රීයව මනිනු ලබන අතර එහි දත්ත එම ස්ථානයේ සවිකර ඇති ඩිජිටල් පුවරුවක් මගින් මහජනතාවට දැකබලා ගැනීමට අවකාශ සලසා දි තිබේ.
සංසරණ වායුවේ ඕසෝන්, කාබන් මොනොක්සයිඩ්, නයිට්‍රජන් ඩයොක්සයිඩ්, සල්ෆර් ඩයොක්සයිඩ්, වාතයේ දූවිලි අංශු ඇතුළු දත්ත මෙම උපකරණ මගින් මනිනු ලබන බව මධ්‍යම පරිසර අධිකාරිය සඳහන් කළේ ය.
රෂිකා හෙන්නායක
