සටහන: සශිකලා මධුෂාණි
දෙසැම්බර් මස 11: ලෝකය (අවුට්බවුන්ඩ් ටුඩේ) : එක්සත් ජනපද ජනාධිපති ඩොනල්ඩ් ට්රම්ප් විසින් ඩොලර් මිලියන 1 ක් (පවුම් 750,000)ක කඩිනම් මුදලක් ගෙවා එක්සත් ජනපද වීසා ලබා ගැනීමේ යෝජනා ක්රමයක් එළඹෙන පෙබරවාරියේ සිට හඳුන්වා දී තිබේ.
ඒ අනුව, මෙය ‘gold card’ ක්රමය වශයෙන් හඳුන්වා දී ඇති අතර මෙමඟින් ධනවත් විදේශිකයන්ට කඩිනම් එක්සත් ජනපද වීසා ලබා ගත හැකිවනු ඇත.
ජනාධිපති ට්රම්ප් මේ සමබන්ධයෙන් සිය සමාජ මාධ්ය වේදිකාවේ සඳහන් කර තිබුණේ, තමා ඉහළ මට්ටමේ වෘත්තිකයන් ඉලක්ක කර ගෙන ඇති බවත්, රටට ඵලදායී පුද්ගලයින් අවශ්ය බවත්ය.
ඩිමොක්රටික් පාක්ෂිකයන් අතර මෙම ක්රමය දැඩි ලෙස විවේචනයට ලක්ව ඇති අතර ඔවුන් පවසන්නේ ට්රම්ප් අසාධාරණ ලෙස ධනවත් පුද්ගලයින්ට අනුග්රහය දක්වන බවයි.
කෙසේ නමුත්, ට්රම්ප්ගේ පරිපාලනය විසින් මේවන විට අප්රිකාවේ සහ මැද පෙරදිග රටවල් 19 ක පුද්ගලයින්ගේ සංක්රමණ අයදුම්පත් අත්හිටුවා ඇති අතර සරණාගත අයදුම්පත් පිළිබඳ සියලු තීරණ ද රජය විසින් නවතා දමා තිබේ.
