රෂිකා හෙන්නායක දෙසැම්බර් 13, කොළඹ LNW :
පසුගිය දා සිදු වූ ආපදා තත්ත්වය හමුවේ දිවයින පුරා බිඳ වැටුණු ජල සැපයුම 100% ක් යථාතත්ත්වයට පත් කර ඇති බව වාර්තා වේ. ඇතිවූ ආපදාවලින් නිවෙස් වල ජල සැපයුමට හානී වී ඇත්නම් ඒවා මුදල් අයකිරීමකින් තොරව පිළිසකර කර දෙන බව, ජාතික ජල සම්පාදන සහ ජලාපවාහන මණ්ඩලයේ සභාපති චන්දන බණ්ඩාර පැවසුවේය.
ජලසම්පාදන මණ්ඩලයේ සභාපතිවරයා වැඩිදුරටත් පවසා ඇත්තේ, ආපදා වලින් ජාතික ජල සම්පාදන සහ ජලාපවාහන මණ්ඩලයට සිදුව ඇති හානිය රුපියල් බිලියන 5.6 බවට ඇස්තමේන්තුකර ඇති බවයි.
