සටහන: නිෂ්මං රණසිංහ
කොළඹ (LNW): වියට්නාමයේ පැවත්වෙන ආසියානු ප්‍රවීනයන්ගේ විවෘත බැඩ්මින්ටන් සූරතාවලියේ වයස එකතුව 110 ට වැඩි කොටසේ මිශ්‍ර යුගල තරගයකදී ජයග්‍රහණයක් වාර්තා කරන්නට චන්ද්‍රිකා ද සිල්වා සහ රොහාන් ද සිල්වා සමත් වූහ.
වට 2 – 0 ක් වූ එම තරග ජයග්‍රහණයේ ලකුණු තත්ත්වය ලෙස වාර්තා වුණේ,21 -19 ක් 21 – 11 ක් ලෙසයි.ඔවුන් දෙදෙනාගේ ප්‍රතිවාදීන් වූයේ මැලේසියාවේ බෝහ් චේ ගැන්ග් සහ සිංගප්පූරුවේ ක්වෝක් කෙක් ය.
එසේම මෙම තරගාවලියට වයස 45 කාණ්ඩයෙන් තරග බිමට පිවිසි මංජුල ප්‍රනාන්දු ද තමන්ගේ තරගය වට 2 – 0 ක් ලෙස ජය ගන්නට සමත් වුණා.ඒ මැලේසියානු ක්‍රීඩක අරික්‍රිෂ්නන් තනබාලන්ට එරෙහිව ලකුණු 21 – 18 සහ 21 -17 ක් ලෙසයි.
