සටහන – රුවන් නෙළුගොල්ල
ජාතික ජන බලවේගයට බලය හිමි බලපිටිය ප්‍රදේශීය සභාවේ මංගල අයවැයත් පරාජයට පත්ව තිබේ.
එම අයවැය සඳහා ඊයේ (16) පැවති ඡන්ද විමසීමේදී ඊට විරුද්ධව ඡන්ද 17ක් ලැබී තිබුණු අතර අයවැයට පක්ෂව ලැබී තිබුණේ ඡන්ද 16ක් පමණි.
ජාතික ජන බලවේගයේ මන්ත්‍රීවරුන් 16 දෙනා අයවැයට පක්ෂව ඡන්දය භාවිතා කළ අතර ඒකාබද්ධ විපක්ෂය නියෝජනය කරන මන්ත්‍රීවරුන් 17 දෙනෙකු ඊට විරුද්ධව ඡන්දය භාවිතා කර තිබිණි. එක්සත් ජාතික පක්ෂය නියෝජනය කරන මන්ත්‍රීවරයා ඊයේ සභාවාරයට පැමිණ සිටියේ නැත.
ජාතික ජන බලවේගයට බලය හිමි පළාත් පාලන ආයතන රැසක මංගල අයවැය පරාජයට පත්වීමේ පුවත් පසුගිය දිනවල වාර්තා වී තිබිණි.
